ОТАН ҚОРҒАУШЫЛАРҒА ҚҰРМЕТ КӨРСЕТІЛДІ

Әл-Фараби ауданы әкімі аппаратының ұйымдастыруымен «7 мамыр — Отан қорғаушылар күні» мерекесіне орай салтанатты іс-шара өтті.

Аудан әкімінің міндетін атқарушы Ержан Ерланұлы ауданымыздың қорғаныс саласына үлес қосып жүрген азаматтарды  "Алғыс хатпен" марапаттап, сый-сыяпат табыстады.

Мерекелік шара аясында патриоттық рухты көтеретін әсерлі концерттік бағдарлама ұсынылып, көрермендерге көтеріңкі көңіл-күй сыйлады.

Бұл мейрам  батылдықтың, ерліктің, қаһармандық пен елдіктің мерекесі. Отанға деген адалдығымен, сүйіспеншілігімен танылған ардагерлеріміз әрдайым өскелең ұрпаққа жарқын үлгі болып қала береді.