АЛА КҮНІНЕ ОРАЙ МЕРЕКЕЛІК ІС-ШАРА ӨТТІ

ҚАЛА КҮНІНЕ ОРАЙ МЕРЕКЕЛІК ІС-ШАРА ӨТТІ

Әл-Фараби ауданы әкімінің аппараты ұйымдастыруымен Арбат саябағында Қала күніне арналған мерекелік іс-шара өтті. Салтанатты шараға аудан тұрғындары мен қала қонақтары қатысты.

Мерекелік жиында Әл-Фараби ауданының әкімі Маратбек Сәменбекұлы қаланың әлеуметтік-экономикалық дамуына және қоғамдық өмірдің өркендеуіне үлес қосқан бірқатар азаматтарды марапаттап, оларға алғысын білдірді.

Іс-шара барысында концерттік бағдарлама ұйымдастырылып, өнерпаздар әсем ән мен күйден шашу шашты. Мерекелік кеш тұрғындарға көтеріңкі көңіл-күй сыйлап, қала күні мерекесінің мән-маңызын арттыра түсті.

Қала күні – туған шаһардың жетістіктерін дәріптеп, тұрғындардың бірлігі мен ынтымағын нығайтатын ерекше мереке.