ТҮНГІ РЕЙДТІК ІС ШАРАСЫ ҰЙЫМДАСТЫРЫЛДЫ

Әл-Фараби ауданы әкімі аппараты,  Әл-Фараби  аудандық полиция басқармасы және «Жастар ресурстық орталығы» КММ қызметкерлері бірлесе кәмелетке толмаған азаматтардың заңды өкілінсіз түнгі сағат 23:00-ден кейін ойын-сауық орталықтарында жүруін анықтау бойынша рейдтік іс-шарасын өткізді.

Шара мақсаты, жасөспірімдер арасындағы қылмысты алдын алу, ескерту,  құқықбұзушылықты болдырмау,  сонымен қатар құқықтарын қорғау және құқықтық сауаттылығын арттыру болып табылады. 

Іс-шара барысында түнгі уақытта  аудан аумағында орналасқан кәмелетке толмаған жасөспірімдер анықталып, заңды өкілдеріне қатысты  әкімшілік құқық бұзушылық хаттамалары толтырылды.