КӨПБАЛАЛЫ АНАЛАРҒА «КҮМІС АЛҚА» ТАБЫС ЕТІЛДІ

Қазақстан Республикасы Президентінің 2025 жылғы 25 шілдедегі №949 Жарлығына сәйкес Әл-Фараби ауданының әкімі Маратбек Сәменбекұлы көпбалалы аналарды құттықтап, оларға «Күміс алқа» төсбелгісін салтанатты түрде табыс етті. Бұл күні 14 ана осынау мәртебелі марапатқа ие болды.

Қазіргі таңда Әл-Фараби ауданында 6740 көпбалалы ана тұрады. Оның ішінде 463-і «Алтын алқа», ал 1714-і «Күміс алқа» иегері атанған.

Ұрпақ тәрбиелеп, елдің демографиялық өсіміне үлес қосып жүрген аналарымыздың еңбегі әрқашан құрметке лайық. Барша сәбилерімізге денсаулық, амандық, ал отбасыларына шаттық тілейміз.