СЕНБІЛІК ЖҰМЫСТАРЫ ЖАЛҒАСУДА

Бүгін Әл-Фараби ауданы аумағында «Таза Қазақстан» экологиялық акциясы аясында кезекті сенбілік өткізілді. Іс-шара аудан әкімі аппаратының бастамасымен ұйымдастырылды.

Сенбілікке аудан әкімдігінің қызметкерлері мен «Әл-Фараби» коммуналдық мемлекеттік мекемесінің мамандары атсалысып, қоршаған ортаны тазарту бағытында бірлесіп жұмыс атқарды.

Іс-шара барысында 70-тен астам адам мен 4 арнайы техника жұмылдырылып, шамамен 6 тонна қоқыс шығарылды.