ӘЛ-ФАРАБИ АУДАНЫ АУМАҒЫНДА АНЫҚТАЛҒАН ЗАҢ БҰЗУШЫЛЫҚТАР БОЙЫНША ШАРАЛАР ҚАБЫЛДАНДЫ

Әл-Фараби ауданы әкімі аппаратының қызметкерлері аудандық полиция басқармасы өкілдерімен бірлесіп, ауданды аралады.

Аралау барысында тұрмыстық қалдықтарды белгіленбеген орындарға тастау, сондай-ақ абаттандыру қағидаларын сақтамау сияқты бірқатар әкімшілік құқық бұзушылықтар анықталды.

Анықталған заң бұзушылықтар бойынша азаматтарға қолданыстағы заңнама талаптары түсіндіріліп, Қазақстан Республикасының Әкімшілік құқық бұзушылық туралы кодексінің 434-2-бабы ("Ортақ пайдаланылатын орындарды ластау") және 505-бабы ("Қалалар мен елді мекендердің аумақтарын абаттандыру қағидаларын бұзу") негізінде тиісті әкімшілік шаралар қабылданып, айыппұлдар салынды.

Аталған іс-шаралар аудан аумағында тазалықты сақтау және құқық бұзушылықтардың алдын алу мақсатында тұрақты түрде жалғасын табатын болады.