ҚАЗАҚСТАН РЕСПУБЛИКАСЫ КОНСТИТУЦИЯСЫНЫҢ 30 ЖЫЛДЫҒЫНА ОРАЙ СУРЕТ КӨРМЕСІ ҰЙЫМДАСТЫРЫЛДЫ

Абай ауданы әкімі аппаратының ұйымдастыруымен Қазақстан Республикасы Конституциясының 30 жылдық мерекесіне орай “Қайнарбұлақ” мәдениет үйінде сурет көрмесі өтті.

Іс-шараға №149, №125 мектептердің ұстаздары мен оқушылары белсене қатысып, өз қолдарымен салған туындыларын көпшілік назарына ұсынды.

Абай ауданы әкімінің орынбасары Шамау Нұртас Мейрамбекұлы іс-шараға белсенділікпен қатысқан ұстаздар мен оқушыларды алғыс хатпен марапаттап, олардың шығармашылық еңбектерін жоғары бағалады.

Көрменің мақсаты:
– Жас ұрпаққа Ата Заңымыздың маңызын ұғындыру;
– Конституциялық құндылықтарды өнер арқылы насихаттау;
– Азаматтық сана мен құқықтық мәдениетті қалыптастыру.

Көрмеге қойылған оқушылар мен жас суретшілердің әрбір туындысынан тәуелсіздік, заң үстемдігі, бірлік пен бейбітшілік идеялары анық көрініс тапты.