«Қара уылдырық» контрабандасының жолын кесу туралы

2022 жылғы 6 тамызда Батыс Қазақстан облысы «Сырым» автокөліктік өткізу пунктінде Қазақстан Республикасынан Ресей Федерациясына бағыт алған екі жүк көлігіне шекаралық бақылау жүргізу кезінде тексеру іс-шараларынан жүзім арасына жасырылған 8 термо қорапша анықталды.

Тексеру барысында жедел-тергеу тобы  100 келіге жуық «қара уылдырық» салынған шыны ыдыстарды тапты.

Анықталған жүк құзыреті бойынша ҚР ІІМ полиция бөлімшелеріне берілді.

 

ҚР ҰҚК баспасөз қызметі