Қазақстан-Ресей шекарасының жекелеген учаскелерінде көлік қозғалысында қиындықтар туындауы мүмкіндігі туралы

Ұлттық қауіпсіздік комитетінің Шекара қызметі Қостанай облысының «Желқуар», «Аят», «Обаған», «Ақбалшық» және Солтүстік Қазақстан облысының «Қызыл жар» автокөлік өткізу пункттерінде көліктердің өтуі кезінде қиындықтар туындауы мүмкін екенін хабарлайды.

Бұл жағдай Ресейдің «Мариинский», «Николаевка», «Звериноголовское», «Воскресенское» және «Казанское» өткізу пункттерінде жөндеу жұмыстарының (2025 жылғы 15 тамыздан бастап) жүргізілуіне байланысты.

Осы мән-жайларды ескеріп, қозғалыс маршрутын алдын ала түзетуді сұраймыз.

Басқа пункттер тұрақты режимде жұмыс істейді, ешқандай шектеулер енгізілмеген.

 

ҰҚК баспасөз қызметі