Семей қаласы мәслихаты аппаратының басшысы болып Құсайынов Азат Оразайұлы тағайындалды

Азат Құсайынов 1983 жылғы 20 қаңтарда Абай ауданында, бұрынғы Семей облысында дүниеге келген.

Орталық Азия университетін (құқықтану), Шәкәрім атындағы Семей мемлекеттік университетін (қаржы), сондай-ақ Қазақ гуманитарлық-заң инновациялық университетінің магистратурасын (құқықтану) тәмамдаған.

Еңбек жолын 2004 жылы Семей қаласындағы «Жастар таңдауы» жастар ұйымының жетекшісі қызметінен бастаған.

2006–2007 жылдары «Қазақстан Темір Жолы» ұлттық компаниясы» АҚ жүйесінде Алматы қаласында заңгер болып жұмыс істеген.

2007–2023 жылдар аралығында Екінші деңгейлі банктер жүйесінде келесі лауазымдарды атқарған: проблемалық кредиттер жөніндегі бас маман, проблемалық кредиттермен жұмыс секторының меңгерушісі, заң бөлімінің бастығы, бөлшек сауда бойынша директор.

2023–2024 жылдары «ALTYN UIA SERVICE» басқарушы компаниясы» ЖШС директоры болып жұмыс істеді.

2024 жылы «Атамекен» кәсіпкерлер палатасының Абай облысы бойынша филиалында кәсіпкерлердің құқықтарын қорғау және әкімшілік кедергілерді төмендету бөлімінің басшысы – құқықтық мәселелер жөніндегі директордың міндетін атқарушы болып жұмыс істеген.

2025 жылдың наурыз айынан бастап Семей қаласы әкімінің азаматтық қорғау және мобилизациялық дайындық мәселелері жөніндегі көмекші болып қызмет атқарды.