Семей қаласында Шоқан Уәлихановтың 190 жылдығына арналған конференция өтті

20 қараша 2025 жылы Семей қаласындағы Ф. М. Достоевскийдің әдеби-мемориалдық мұражайында ғалым, ағартушы және саяхатшы Шоқан Шыңғысұлы Уәлихановтың 190 жылдығына арналған «Жарқыраған мүсін» атты қалалық конференция Қазақстан Халық Партиясы ұйымдастыруымен өтті.
Конференцияға Семей қаласы мәслихатының және әкімдігінің өкілдері, сондай-ақ түрлі ұйымдардың өкілдері қатысты.
Іс-шара барысында Ш. Уәлихановтың ғылыми мұрасы, ағартушылық қызметі және тарихтағы рөлі кеңінен талқыланды. Сонымен қатар, Шәкәрім университетінің профессорлары өз баяндамаларымен сөз сөйлеп, Уәлиханов еңбектерінің бүгінгі күнге дейінгі маңыздылығын және жастарға үлгі болатынын атап өтті.
Мұндай мәдени-ағартушылық бастамалар жас ұрпақтың тарихи санасын қалыптастыруға және қоғамдық құндылықтарды нығайтуға үлкен үлес қосады.