Семей қаласының Қоғамдық кеңесінің мүшелерін сайлау жөнінде конкурс өткізу туралы хабарландыру
Абай облысы Семей қаласының Қоғамдық кеңесін қалыптастыру жөніндегі жұмыс тобы Қазақстан Республикасының «Қоғамдық кеңестер туралы» Заңына (бұдан әрі - Заң), Қазақстан Республикасы Мәдениет және ақпарат министрінің м.а. 2025 жылғы 28 наурыздағы № 112-НҚ бұйрығымен бекітілген Қоғамдық кеңес туралы Үлгілік ережеге сәйкес (Қазақстан Республикасының Әділет министрлігінде 2025 жылғы 28 наурызда № 35869 болып тіркелген) (бұдан әрі – Үлгілік ереже), Абай облысы Семей қаласының Қоғамдық кеңесінің мүшелерін сайлау жөнінде конкурс өткізетінін хабарлайды.
Қоғамдық кеңестің сандық құрамы 21 адам.
Конкурсқа қатысуға тілек білдіретін азаматтар, коммерциялық емес ұйымдардың өкілдері Қоғамдық кеңестің мүшелерін іріктеу жөнінде конкурс өткізу туралы хабарландыру жарияланған күннен кейін он жұмыс күні ішінде келесі құжаттарды қолма-қол табыстайды немесе төменде көрсетілген электронды мекенжайға жолдайды:
1) Қоғамдық кеңестің құрамына үміткер ұсыну туралы коммерциялық емес ұйымның жазбаша ұсынысы және (немесе) азаматтың өтініші (1 және 2 қосымшалар);
2) өмірбаян деректері көрсетілген үміткердің кәсіби және (немесе) қоғамдық қызметі туралы мәліметтер
(3 қосымша);
3) сотталғандығы барлығы не болмаса жоқтығы туралы анықтама;
4) психикалық, мінез-құлық бұзылыстары (аурулары), соның ішінде психикалық белсенді заттарды пайдаланумен байланысты психикалық, мінез-құлық бұзылыстарының (ауруларының) барлығы не болмаса жоқтығы туралы анықтама;
5) үміткердің дербес деректерін жинауға, өңдеуге, таратуға және жариялауға келісімі.
Заңның 10-бабының 1-тармағына сәйкес үміткерлерге қойылатын талаптар:
1) Қазақстан Республикасының заңнамасында белгіленген тәртіппен жойылмаған немесе алынбаған сотталғандығы болмауға;
2) сот заңда белгіленген тәртіппен сыбайлас жемқорлық қылмыс және (немесе) сыбайлас жемқорлық құқық бұзушылық жасауда кінәлі деп танымаған болуға;
3) психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) себебі бойынша психикалық денсаулық саласында медициналық көмек көрсететін ұйымдарда есепте тұрмауға тиіс.
Қоғамдық кеңестің қазіргі құрамындағы мүшелер Қазақстан Республикасының «Қоғамдық кеңестер туралы» Заңының 10-бабында көзделген жалпы негіздер бойынша конкурсқа қатысу үшін өтініштерін тапсырады.
Құжаттарды қабылдау 2025 жылғы 27 тамыз – 11 қыркүйек аралығында, жұмыс күндері сағат 09:00-ден 18:30-ға дейін жүргізіледі, түскі үзіліс сағат 13:00-ден 14:30-ға дейін.
Құжаттар Семей қаласы, Мәңгілік ел көш.,4, 101 кабинет мекенжайындағы «Абай облысы Семей қаласы мәслихатының аппараты» ММ-не табыс етіледі немесе semeimaslihat@yandex.kz электронды поштасына жолданады.
Анықтама үшін телефон: 8(7222) 35-45-10.
№ 1 Қосымша
|
|
Абай облысы Семей қаласының Қоғамдық кеңесін қалыптастыру жөніндегі жұмыс тобына ______________________________ |
Телефондары (мобилді)
Өтініш
Мен, ___(Т.А.Ә.) өз кандидатурамды Абай облысы Семей қаласының Қоғамдық кеңесінің құрамына енгізу үшін ұсынамын.
Осы өтініш арқылы өзімнің Қазақстан Республикасының 2015 жылғы 2 қарашадағы «Қоғамдық кеңестер туралы» Заңының ережелерімен танысқанымды растаймын және оның талаптарын сақтауға міндеттенемін.
Келесі құжаттарды қоса тіркеп отырмын:
1) ________________________________________________________
2) ________________________________________________________
3) ________________________________________________________
4) ________________________________________________________
5) ________________________________________________________
6) ________________________________________________________
7) ________________________________________________________
20___ жылғы «____» ___________. Өтінім берушінің қолы _____________
№ 2 Қосымша
Абай облысы Семей қаласының Қоғамдық кеңесін қалыптастыру жөніндегі жұмыс тобына
Қазақстан Республикасының «Қоғамдық кеңестер туралы» Заңы 10-бабына сәйкес ________(коммерциялық емес ұйымның атауы, заңды тіркеудің № мен күні)___________ Абай облысы Семей қаласының Қоғамдық кеңесінің құрамына ___(үміткердің Т.А.Ә.) енгізу туралы ұсыныс енгізеді.
Осы өтініш арқылы үміткердің (Т.А.Ә.) Қазақстан Республикасының «Қоғамдық кеңестер туралы» Заңының талаптарына сәйкестігін растаймыз.
Үміткердің кәсіби және (немесе) қоғамдық қызметі туралы мәліметтері қоса тіркеледі.
_______ (Коммерциялық емес ұйым басшысының қолы, Т.А.Ә.)
_________(мөр орны)
№ 3 Қосымша
Үміткердің кәсіби және (қоғамдық) қызметі туралы мәліметтер (үміткердің өмірбаян деректері)
ТАӘ (толық жазылсын)_______________________________
Туған күні және жері___________________________________
Білімі, мамандығы______________________________
Жұмыс орны ___________________________________________
Атқаратын қызметі __________________________________
Қоғамдық қызметі ______________________________
Тұрғылықты жері _______________________________________
Жеке куәлігінің деректері ___________________________
Телефондары (мобилді, қызмет, үй) ______________
20___ ж. «____» __________ қолы____________