Қазақстан Республикасының әл-Фараби атындағы ғылым мен техника және А.Байтұрсынұлы атындағы гуманитарлық ғылымдар саласындағы мемлекеттік сыйлықтарын беру жөніндегі комиссия отырысының қорытындысы бойынша алдын ала іріктеуден өткен жұмыстардың тізімі

Қазақстан Республикасының әл-Фараби атындағы ғылым мен техника және А.Байтұрсынұлы атындағы гуманитарлық ғылымдар саласындағы мемлекеттік сыйлықтарын беру жөніндегі комиссия отырысының қорытындысы бойынша алдын ала іріктеуден өткен жұмыстардың тізімі

2025 жылғы 18 маусымда Қазақстан Республикасының Мемлекеттік кеңесшісі Ерлан Қариннің төрағалығымен 2025 жылғы Қазақстан Республикасының әл-Фараби атындағы ғылым мен техника және А. Байтұрсынұлы атындағы гуманитарлық ғылымдар саласындағы мемлекеттік сыйлықтарын беру жөніндегі комиссияның отырысы өтті. Комиссия мүшелері мемлекеттік сыйлықты алуға ұсынылған жұмыстарды қарастырып, мемлекеттік ғылыми-техникалық сараптаманың нәтижелерімен және бес секцияның сараптамалық-талдамалық ұсыныстарымен танысты.

«Қазақстан Республикасының әл-Фараби атындағы ғылым мен техника,
А. Байтұрсынұлы атындағы гуманитарлық ғылымдар және Абай атындағы әдебиет пен өнер саласындағы мемлекеттік сыйлықтары туралы» Қазақстан Республикасы Президентінің 2015 жылғы 21 қаңтардағы № 993 Жарлығына сәйкес Комиссия отырысының қорытындысы бойынша алдын ала іріктеуден өткен жұмыстардың тізімі кеңінен талқылау мақсатында жарияланады.

  1. «Қазақстан Республикасының гидрогеологиялық карталар атласы»

Авторлар:

1) Абсаметов Маліс Қудысұлы – жұмыстың жетекшісі;

2) Аязбаев Рахматулла;

3) Көлдеев Ержан Итеменұлы;

4) Мұртазин Ермек Жамшитұлы;

5) Смоляр Владимир Александрович.

Ұйым: «У.М. Ахмедсафин атындағы Гидрогеология және геоэкология институты» жауапкершілігі шектеулі серіктестігі.

  1. «Ядролық физика институтының атом энергиясын пайдалану саласындағы ғылыми зерттеулер, әзірлемелер және әлемдік технологияларды енгізу арқылы Қазақстанның стратегиялық және тұрақты дамуына қосқан үлесі»

Авторлар:

1) Сахиев Саябек Қуанышбекұлы – жұмыстың жетекшісі;

2) Борисенко Альбина Рихардовна;

3) Гизатулин Шамиль Хайрулович;

4) Ермаков Евгений Леонидович;

5) Жүсіпов Марат Әбжанұлы;

6) Кислицин Сергей Борисович;

7) Чакрова Елена Тихоновна;

8) Шаймерденов Әсет Абдуллаұлы.

Ұйым: «Ядролық физика институты» шаруашылық жүргізу құқығындағы республикалық мемлекеттік кәсіпорны.

  1. «Кондициялық емес түсті металлургияның шикізатынан жоғары сапалы селен алудың экологиялық қауіпсіз вакуум-термиялық технологиясын дайындау және оның өнеркәсіптік өндірісін ұйымдастыру»

Авторлар:

1) Кенжалиев Бақдәулет Кенжәліұлы – жұмыстың жетекшісі;

2) Володин Валерий Николаевич;

3) Оспанов Ержан Арыстанбекұлы;

4) Требухов Сергей Анатольевич;

5) Шахалов Александр Александрович.

Ұйым: «Металлургия және кен байыту институты» акционерлік қоғамы.

  1. «Қазақстан археологиясы. Деректер мен зерттеулер» сериялық басылымы

Автор:

1) Самашев Зайнолла.

Ұйым: «Ә.Х. Марғұлан атындағы Археология институты» шаруашылық жүргізу құқығындағы республикалық мемлекеттік кәсіпорны.

  1. «Қазақстанның үзіліссіз мемлекеттілігі тарих толқынында. XV-XIX ғасырлардағы еуропалық және америкалық карталарындағы Қазақ Мемлекеті»

Автор:

1) Сыдықназаров Мұхит-Ардагер Қаржаубайұлы.

Ұйым: «Батыс Қазақстан инновациялық-технологиялық университеті» жеке меншік жоғары кәсіби білім беру мекемесі.

  1. «Ортағасырлық Қазақстанның саяси және этногенетикалық тарихы (Жошы ұлысы, Шағатай ұлысы, Моғолстан және Қазақ хандығы) XIII-XVIII ғасырлар»

Авторлар:

1) Сәбитов Жақсылық Мұратұлы – жұмыстың жетекшісі;

2) Ағатай Өткірбай Мылтықбайұлы;

3) Жұмағалиев Дархан Аманжолұлы;

4) Жабагин Мақсат Қизатұлы;

5) Көшкімбаев Айболат Қайырслямұлы;

6) Муминов Аширбек Құрбанұлы;

7) Темірғалиев Радик Жексенбайұлы.

Ұйым: «Жошы Ұлысын зерделеу ғылыми институты» шаруашылық жүргізу құқығындағы республикалық мемлекеттік кәсіпорны.

Осы жұмыстар бойынша пікірлер 2025 жылғы 1 тамызға дейін Астана қ., «Министрліктер Үйі», 11-кіреберіс, 935-кабинет мекенжайы арқылы қабылданады.

Анықтама телефоны 8(7172) 74-24-59.