АЛҒАШ РЕТ ІШІНАРА ОҚУ АҚЫСЫ БАР САРАЛАНҒАН ГРАНТТАР ЕНГІЗІЛДІ

АЛҒАШ РЕТ ІШІНАРА ОҚУ АҚЫСЫ БАР САРАЛАНҒАН ГРАНТТАР ЕНГІЗІЛДІ

«Педагогикалық ғылымдар» және «Әлеуметтік ғылымдар, журналистика және ақпарат» бағыттары бойынша 150 сараланған грант бөлінген. Сондай-ақ, «Серпін» бағдарламасы арқылы түсушілерге 3 903 грант бөлінген, оның ішінде, 2024 жылы алғаш рет колледж түлектері үшін 400 астам грант қарастырылды.

«Серпін» жобасы арқылы 4 даярлау бағыты бойынша білім алуға болады. Атап айтсақ, педагогикалық ғылымдар, инженерлік-техникалық, ақпараттық технологиялар, ауылшаруашылығы мамандықтары бойынша оқуға түсе алады. Бағдарламаға оңтүстік өңірдегі ауыл жастары қатысады. Оқу бітірген соң грант өтеу мерзімі 3 жылдан 2 жылға қысқартылып, өтеу орны 11 аймаққа кеңейтілді», - деді ҚР ҒЖБМ Жоғары және жоғары оқу орнынан кейінгі білім комитетінің төрағасы Гүлзат Көбенова.

Сонымен қатар, гранттар тізімінде 5 000 халық тығыз қоныстанған және батыс өңірлердің жастарын жетекші ЖОО-ларда оқыту үшін мақсатты білім беру гранты бар, оның ішінде гранттар Атырау және Маңғыстау облысы түлектеріне арналған. Балалар осы арнайы грантқа да, жалпы конкурсқа да қатыса алады. «Өңірлік ЖОО-ларды қолдау көрсетіледі.

Педагогикалық, ауыл шаруашылық және инженерлік мамандықтар бойынша мақсатты гранттар бөлініп отыр», - деп атап өтті Гүлзат Көбенова.