АЗАМАТТЫҚ АВИАЦИЯ АКАДЕМИЯСЫ EASA СТАНДАРТТАРЫНА СӘЙКЕС АВИАЦИЯ ИНЖЕНЕРЛЕРІН ОҚЫТАТЫН БОЛАДЫ
Азаматтық авиация академиясы Ригадағы Латвия Көлік және коммуникация институтымен (TSI) ұзақ мерзімді ынтымақтастық туралы келісімін кеңейтті. Тараптардың келісімі шетел университеттің Азаматтық авиация академиясының базасында EASA Part-147 ұйымын құруға және сертификаттауға жәрдемдесуді қарастырады.
*EASA Part-147 жалпы қабылданған халықаралық стандарт болып табылады, ол авиация өнеркәсібіндегі техникалық персоналды B1 санаты бойынша техник-механиктерге және В2 санаты авиациялық техниктерге арналған оқу орталықтарында оқыту және сертификаттау ережелерін белгілейді.
Осылайша, Алматы авиациялық университеті Еуропалық авиациялық қауіпсіздік агенттігінің (EASA) стандарттарына сәйкес әуе кемелеріне техникалық қызмет көрсету инженерлерін кәсіби даярлауды қамтамасыз ететін болады. Академияны бітіргеннен кейін авиация мамандарына дипломмен бірге кәсіби санат беріледі, бұл түлектерге еңбек нарығында бәсекеге түсуге мүмкіндік береді.
«Ынтымақтастықты кеңейту Қазақстандағы авиациялық білім мен инновациялар саласындағы жаңа перспективаларды ашады», - деп атап өтті TSI Басқарма төрағасы Ирина Яцкив.
Кездесуге қатысушылар, соның ішінде Қазақстан Республикасының Латвиядағы Елшісі Дәурен Кәріпов, 3-хатшы Айнұр Ахметова, TSI ректоры Юрис Канельс, TSI басқарма төрағасы Ирина Яцкив, Азаматтық авиация академиясының ректоры Бекен Сейдахметов, TSI APAC директоры Зинтис Стабин. мен «Авиациялық техника және технологиялар» кафедрасының меңгерушісі Алмас Битенов білім саласындағы өзекті оқиғалар мен жол картасының дамуын талқылады.