ҚАЗАҚСТАН-АМЕРИКАНДЫҚ ЕРКІН УНИВЕРСИТЕТІНІҢ ҚОС ДИПЛОМДЫ БАҒДАРЛАМАСЫ

Шығыс Қазақстанда магистратураның бірегей халықаралық қос дипломды бағдарламасы бойынша IT-даярлық және менеджмент саласындағы үздік 5 жоғары оқу орнымен бірлесіп білім алу үшін алты грант иеленуге болады.

DAAD (Герман академиялық алмасу қызметі) гранты Германияда «IT Management» білім беру бағдарламасы бойынша 1 семестр оқуды қарастырады. Бұл бағдарлама білім алушылардың кәсіби құзыреттерін компьютерлік ғылымдар, бизнес-ақпараттық жүйелер, менеджмент және іскерлік әкімшілендіру саласындағы білімдерімен байланыстыру мүмкіндігіне бағытталған.

Бағдарламаны тәмамдаған магистранттар екі диплом алады: Батыс-Саксон қолданбалы ғылымдар университеті (Германия) және Қазақстан-Американдық еркін университеті (Қазақстан Республикасы).