Әбілқас Сағынов атындағы ҚарТУ-да «Мектепке жол» қайырымдылық акциясы басталды

Әбілқас Сағынов атындағы Қарағанды ​​техникалық университетіндегі «Жас Орда» жастар бірлестігі жанындағы «Ақниет» қайырымдылық ұйымы жыл сайынғы «Мектепке жол» акциясын бастады.

«Мектепке жол» акциясының мақсаты – аз қамтылған отбасылардағы оқушыларды алдағы оқу жылына қажетті кеңсе тауарларымен қамтамасыз ету.

 

– Қарағандының әрбір тұрғыны өз үлесін қоса алады, – дейді «Ақниет» қайырымдылық ұйымының төрайымы Ақтоты Бадамбаева. - Әрбір тиын өте құнды. Бұл биыл білім алуға баратын балаларды мектепке дайындауға септігін тигізеді. Бірге жақсылық жасайық!

 

 

Мектеп керек-жарақтарын «Ақниет» жастар қайырымдылық ұйымы 30 балаға табыстауды жоспарлап отыр.