AI-Sana: халықаралық сарапшыларды тарту перспективалары талқыланды

ҚР Ғылым және жоғары білім министрі Саясат Нұрбек Polynome Group компаниясының негізін қалаушы Александр Ханинмен кездесті.

Кездесу барысында тараптар жасанды интеллект саласындағы ынтымақтастықтың перспективаларын, соның ішінде Қазақстанда ЖИ құзыреттерін дамыту үшін шетелдік сарапшылар мен халықаралық тәжірибені тарту мәселелерін талқылады. Сонымен қатар Qazaq AI Research University (QAIRU) университетін дамыту және оның одан әрі дамуына халықаралық сараптаманы тарту бағытындағы ынтымақтастық мүмкіндіктері қарастырылды.

Студенттер мен оқытушылардың жасанды интеллект саласындағы дағдыларын қалыптастыруға және дамытуға бағытталған AI-Sana бағдарламасы аясындағы ынтымақтастықты одан әрі дамытуға ерекше назар аударылды.

Тараптар шетелдік мамандарды білім беру және сараптамалық бастамаларға тарту, сондай-ақ заманауи технологиялар мен жасанды интеллект саласында тәжірибе және білім алмасу мүмкіндіктерін қарастырды.

Кездесу барысында өзара іс-қимылды одан әрі дамыту перспективалары және технологиялық трансформация жағдайында сұранысқа ие мамандарды даярлау мен AI-білім беруді дамыту бағытындағы бірлескен жұмыстың ықтимал бағыттары да талқыланды.

Кездесу қорытындысы бойынша тараптар жасанды интеллект және білім беру салаларындағы ынтымақтастықты жалғастыруға және бірлескен бастамаларды іске асыруға мүдделі екенін білдірді.