Қазақстандағы британдық білім: Cardiff University Kazakhstan-да алғашқы оқу жылы аяқталды

Cardiff University Kazakhstan-да алғашқы оқу жылы аяқталып, білім алушылар үшін жаңа академиялық ортада білім алу мен халықаралық тәжірибеге жол ашылды.

Студенттер арасында әлемнің түрлі елдеріндегі жоғары оқу орындарынан ұсыныстар алған жастар да бар. Солардың бірі – «Құрылыс инженериясы» білім беру бағдарламасының 1-курс студенті Әділбек Исатаев.

Мемлекеттік білім грантының иегері Әділбек АҚШ, Еуропа, Қатар және Біріккен Араб Әмірліктеріндегі университеттерден ұсыныстар алған. Алайда ол Қазақстанда британдық білім алу мүмкіндігін ескере отырып, Cardiff University Kazakhstan-ды таңдаған. Қазіргі уақытта студент Civil Engineering бағдарламасы бойынша білім алып жатыр.