Министр Британ-Қазақстан қоғамының құрамына енді

ҚР Ғылым және жоғары білім министрі Саясат Нұрбек Британ-Қазақстан қоғамының мүшелігіне ресми түрде қабылданды. Бұл іс-шара Ұлыбританияның Лордтар палатасында өткен арнайы рәсім аясында жүзеге асты. Шара министрдің қоғам қызметін дамытуға және Қазақстан мен Ұлыбритания арасындағы байланыстарды нығайтуға қосқан үлесін мойындау болып саналады.

Сертификатты Британ-Қазақстан қоғамының төрағасы Руперт Гудман табыс етті. Салтанатты шараға сондай-ақ Қазақстандағы Ұлыбритания елшісі Салли Эксуорси, Қазақстанның Ұлыбританиядағы елшілік істеріндегі уақытша сенімді өкіл Руслан Карабулов және Ұлыбритания Королінің өкілі Лорд Бреннан қатысты.

Бұл оқиға Қазақстан мен Ұлыбритания арасындағы өзара сенім мен серіктестіктің жоғары деңгейін көрсетті.