АУДАН ӘКІМІ АЗАМАТТАРДЫ ЖЕКЕ ҚАБЫЛДАП, ӨЗЕКТІ МӘСЕЛЕЛЕРІН ТЫҢДАДЫ

Сауран ауданының әкімі Мақсат Таңғатаров 5 желтоқсан күні аудан тұрғындарын жеке қабылдап, олардың көтерген мәселелерін қарады. Қабылдауға жазылған азаматтар негізінен жер қатынастары, инфрақұрылым, коммуналды қызмет, тұрғын үй жағдайы және жұмыспен қамту бағытындағы өтініштерін айтты.

Қабылдау барысында балабақша аумағындағы жер телімінің жекешеленуі, қоқыс полигоны үшін жер бөлу, ауыл көшелеріндегі инженерлік инфрақұрылым проблемалары, салалық бөлімдердің қызметіне қатысты шағымдар, көпқабатты үйдегі жылу және домофон мәселесі, жастарды жұмыспен қамту, сондай-ақ суармалы және жайылымдық жер сұрау мәселелері қаралды.

Әрбір өтініш бойынша аудан әкімі тиісті бөлімдерге нақты тапсырмалар беріп, мәселелерді зерделеп, заң аясында шешім қабылдауды міндеттеді. Сонымен қатар, көтерілген барлық сұрақтардың орындалуы әкімнің жеке бақылауына алынды. Аудан басшысы тұрғындармен ашық диалогты жалғастырудың маңызын атап өтіп, әр азаматтың өтініші назардан тыс қалмайтынын жеткізді.

Сауран ауданы әкімдігінің баспасөз қызметі