МӘЖІЛІСТЕ КОММУНАЛДЫҚ САЛА МЕН ОРЫНДАУШЫЛЫҚ ТӘРТІП МӘСЕЛЕЛЕРІ ҚАРАЛДЫ

Бүгін Сауран ауданының әкімі Мақсат Таңғатаровтың төрағалығымен кезекті апталық аппараттық мәжілісі өтті. Күн тәртібінде бірқатар өзекті мәселелер қаралды. Алғашқы болып аудандық статистика басқармасының басшысы Камилжан Нұрышов ауыл шаруашылығы санағының жүргізілу барысы туралы баяндама жасады. Әкім сала басшыларына ауыл округтеріндегі есеп жұмыстарының толық әрі сапалы жүргізілуін, тұрғындармен түсіндіру шараларын күшейтуді тапсырды.

Қысқы маусымға дайындық, электр желілерінің сапасы және ауыз су жүйелерінің жағдайы бойынша тұрғын үй-коммуналдық шаруашылығы және тұрғын үй инспекциясы бөлімінің басшысы Асылбек Қанағат атқарылып жатқан жұмыстар туралы баяндады. Аудан әкімі жауапты тұлғаларға дайындық жұмыстарын нақты мерзіммен аяқтауды, тұрғындарға ыңғайлы жағдай жасау үшін тиісті қызметтердің үздіксіз жұмыс істеуін қатаң бақылауда ұстауды тапсырды. Мәжілісте орындаушылық тәртіп пен азаматтардың өтініштерін қарау барысы сөз болды. Құжат айналымын бақылау бөлімінің бас инспекторы Жандос Ален өз бағыттары бойынша есеп берді.

Қорытынды сөзінде аудан әкімі Мақсат Таңғатаров: «Әрбір басшы өз саласындағы жұмысты нақты жоспармен жүргізіп, белгіленген міндеттердің орындалуын қамтамасыз етуі қажет. Біз үшін басты мақсат - тұрғындарға көрсетілетін қызмет сапасын арттыру және әр істің нақты нәтижесін көру», - деп атап өтті аудан әкімі.

Сауран ауданы әкімдігінің баспасөз қызметі