Аудандық мәслихаттың тұрақты комиссияларының бірлескен отырысы өтті.
Бүгін Сарыағаш аудандық мәслихатының тұрақты комиссияларының бірлескен отырысына, дербес бөлім басшылары, бюджеттік мекеме басшылары, қала және ауылдық округ әкімдері қатысты.
Комиссия отырысының күн тәртібінде 13 мәселе қаралды.
1. 2024 жылға арналған Сарыағаш аудандық бюджетінің орындалуы туралы;
2. Қала, ауылдық округтерінің 2024 жылға арналған бюджеттерінің орындалуы туралы;
3. Түркістан облысы бойынша тексеру комиссиясы мақұлдаған Сарыағаш ауданы бойынша 2024 жылғы Сарыағаш аудандық бюджетінің атқарылуы туралы;
4. Түркістан облысы бойынша тексеру комиссиясы мақұлдаған Сарыағаш ауданының қала, ауылдық округтерінің 2024 жылға арналған бюджеттерінің атқарылуы туралы;
5. Көктерек ауылдық округі әкімінің өзіне жүктелген қызметтер мен міндеттердің орындалуы туралы;
6. Жылға ауылдық округі әкімінің өзіне жүктелген қызметтер мен міндеттердің орындалуы туралы;
7. Сарыағаш ауданының жер қатынастары бөлімінің бір жылда атқарған жұмыстары туралы;
8. Сарыағаш аудандық білім бөлімінің бір жылда атқарған жұмыстары туралы;
9. Жарты төбе ауылдық округі әкімінің өзіне жүктелген қызметтер мен міндеттердің орындалуы туралы;
10. Сарыағаш аудандық мәслихатының бақылауда тұрған шешімдерінің орындалу барысы туралы.
11. Сарыағаш аудандық жер комиссиясын құрудың кейбір мәселелері туралы;
12. Сарыағаш ауданының жайылымдарды басқару және оларды пайдалану жөніндегі 2025-2029 жылдарға арналған жоспарын бекіту туралы.
13. «Сарыағаш ауданы әкімдігінің жанындағы терроризмге қарсы комиссияның
дербес құрамын бекіту туралы» Сарыағаш аудандық мәслихатының 2023
жылғы 22 қыркүйектегі № 7-67-VIII шешіміне өзгерістер енгізу туралы.
Сарыағаш аудандық кірістер басқармасының ауданның кірістер бөлігі бойынша атқарған жұмыстары туралы есебі басқарма басшысының қатыса алмауына байланысты келесі сессия отырысына қалдырылды.
Талқылау нәтижесімен тиісті ұсыныстар беріліп күн тәртібіндегі мәселелер кезекті сессия қарауына жіберілді.
Сарыағаш аудандық мәслихат аппараты