2025 жылдың 28 ақпанында Жамбыл облысы бойынша тексеру комиссиясының кезекті отырысы өткізілді

        Жамбыл облысы бойынша тексеру комиссиясының 2024-2025 жылдарға арналған мемлекеттік аудит объектілерінің тізбесіне сәйкес, жергілікті бюджетке түсетін түсімдердің толықтығы мен уақтылығына мемлекеттік аудит жүргізілді.

        Мемлекеттік аудитпен «Қазақстан Республикасы Қаржы министрлігінің Мемлекеттік кірістер комитеті Жамбыл облысы бойынша Мемлекеттік кірістер департаменті» РММ-сі, сондай-ақ «Қазақстан Республикасының Қаржы министрлігінің Мемлекеттік кірістер комитеті Жамбыл облысы бойынша Мемлекеттік кірістер департаментінің Жамбыл, Жуалы, Қордай, Сарысу аудандары бойынша мемлекеттік кірістер басқармалары қамтылды және «Қазақстан Республикасының Қаржы министрлігінің Мемлекеттік кірістер комитеті Жамбыл облысы бойынша Мемлекеттік кірістер департаментінің Тараз қаласы бойынша мемлекеттік кірістер басқармасы» РММ-сі бойынша үстеме тексеру жүргізілді.

        2022-2024 жылдар аралығындағы жергілікті бюджетке түсетін түсімдердің толықтығы мен уақтылығына жүргізілген мемлекеттік аудит бойынша анықталғаны:

• қаржылық бұзушылықтардың жалпы сомасы - 484 858,3 мың теңге;
• бюджеттің тікелей (жанама) шығындары – 39 559,8 мың теңге;
• рәсімдік сипаттағы бұзушылықтар саны - 12 бірлік;
• жүйелі кемшіліктер саны - 1 бірлік.

        Анықталған бұзушылықтардың негізгі себептері Қазақстан Республикасының Бюджет жүйесінің «дәйектілік» және «негізділік» принциптері, сондай-ақ Қазақстан Республикасының Салық кодексінің салық салудың айқындылық қағидаты жекелеген жағдайларда сақталмауынан орын алған.

        Ағымдағы жылдың 28 ақпанында өткен отырыс қорытындысы бойынша Тексеру комиссиясы тарапынан қаулы қабылданып, аудит объектілеріне тиісті тапсырмалар мен ұсынымдар жіберілді.