2025 жылдың 6 қарашасында Жамбыл облысы бойынша тексеру комиссиясының кезекті отырысы өткізілді

       Жамбыл облысы бойынша тексеру комиссиясының 2025 жылға арналған мемлекеттік аудит объектілерінің тізбесіне сәйкес Мүгедектердің құқықтарын қамтамасыз етуге және өмір сүру сапасын жақсартуға бөлінген қаражатты пайдаланудың тиімділігіне «Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасы» КММ-де және оған бағынысты 16 мемлекеттік мекемеде аудит жүргізілді.

        Аудиторлық іс-шара барысында қызметкерлерге негізсіз еңбекақылар, үстемеақылар, сауықтыру жәрдемақылары және іссапар шығындарының төленуі, бюджеттік бағдарламанын нәтиже көрсеткіштеріне қол жеткізбеуі, шарттық міндеттемелерді орындау бөлігінде сонымен бірге, бюджет қаражатын тиімсіз жоспарлануы мен пайдалануы, мемлекеттік мүлікті тиімсіз басқару бойынша бұзушылықтар мен кемшіліктер анықталды.

       Ағымдағы жылдың 06 қарашасында өткен отырыс қорытындысы бойынша Тексеру комиссиясының қаулысы қабылданып, аудит объектілеріне тиісті нұсқамалар мен ұсынымдар жолданады.