2025 жылдың 24 шілдесінде Жамбыл облысы бойынша тексеру комиссиясының кезекті отырысы өткізілді

        Жамбыл облысы бойынша тексеру комиссиясының 2025 жылға арналған мемлекеттік аудит объектілерінің тізбесіне сәйкес «Жамбыл облысы әкімдігінің табиғи ресурстар және табиғат пайдалануды реттеу басқармасы» КММ-не бөлінген бюджет қаражатының пайдалануына тиімділік аудиті» іс-шарасы шеңберінде тиімділік және сәйкестік аудиті жүргізілді.

       Мемлекеттік аудитпен Басқарма және Басқармаға бағынысты 17 мемлекеттік мекемелер қамтылды. Оның ішінде: Басқарма бойынша тиімділік және сәйкестік аудиті және бағынысты мемлекеттік мекемелер бойынша сәйкестік аудиті жүргізілді.

       Мемлекеттік аудитпен 11 бюджеттік бағдарлама бойынша 2022-2024 жылдар аралығында жалпы сомасы - 13 153 020,9 мың теңге қаражат қамтылып, нәтижесінде жалпы сомасы - 1 088 218,0 мың теңгені құрайтыны бұзушылықтар анықталды, соның ішінде:

1) қаржылық бұзушылықтар сомасы 197 183,8 мың теңгені құраса, оның ішінде: толығымен бюджетке түсетін түсімдер 514,3 мың теңге, өтелуге жататын 30 906,7  мың теңге, қалпына келтіруге жататын 165 762,8 мың теңге.

      Тексеру комиссиясының отырысына дейін түсетін түсімдердің бюджетке түскені 258,0 мың теңге, қаржылық бұзушылықтардың өтелгені 23 038,9 мың теңге, қалпына келтірілгені 149 458,7 мың теңге;

2)  тиімсіз жоспарланған бюджет қаражаты - 480 940,5 мың теңге;

3)  тиімсіз пайдаланған бюджет қаражаты - 410 093,7 мың теңге;

4)  анықталған рәсімдік бұзушылықтардың жалпы саны - 134 бірлік;

5) жүйелік кемшіліктердің сипаттамасының жалпы саны - 3 бірлік.

       Аудиторлық іс-шара барысында қызметкерлерге негізсіз еңбекақылар және іссапар шығындарының төленуі, бюджеттік бағдарламанын нәтиже көрсеткіштеріне қол жеткізбеуі, шарттық міндеттемелерді орындау бөлігінде сонымен бірге, жүйелік кемшіліктердің болуы, бюджет қаражатын тиімсіз жоспарлануы мен пайдалануы, мемлекеттік мүлікті тиімсіз басқару бойынша бұзушылықтар мен кемшіліктер анықталды.

       Әкімшілік іс жүргізуді қозғау және процестік шешім қабылдау үшін 52 материалдар тиісті аудиторлық дәлелдемелерімен бірге рәсімделіп «Қазақстан Республикасы Қаржы министрлігі ішкі мемлекеттік аудит комитетінің Жамбыл облысы бойынша ішкі мемлекеттік аудит департаменті» РММ-не жолданды.

        Ағымдағы жылдың 24 шілдесінде өткен отырыс қорытындысы бойынша Тексеру комиссиясының қаулысы қабылданып, аудит объектілеріне тиісті нұсқама мен ұсынымдар жолданады.