БАСПАСӨЗ РЕЛИЗІ

Шығыс Қазақстан облысы бойынша тексеру комиссиясының
2026 жылғы 31 наурызда өткен отырысында мемлекет активтерін пайдалануға, жергілікті бюджет қаражатын жоспарлау мен орындауға, салықтық әкімшілендіруге, бюджетке түсетін түсімдердің толықтығы мен уақтылығына, сондай-ақ Риддер қаласының жергілікті атқарушы органдары қызметінің экономиканы, әлеуметтік және мемлекеттік басқарудың басқа да салаларын дамыту ықпалына жүргізілген мемлекеттік аудиттің  қорытындысы шығарылды.

Аудитпен 9 объект қамтылды, 2023-2025 жылдар кезеңі бойынша тексерілген қаражат пен активтердің жалпы сомасы 18,8 млрд теңгеден асты.

Облыстың 2021-2025 жылдарға арналған даму жоспарының Риддер қаласы бойынша іске асырылуын талдау барысында 2023-2025 жылдар кезеңінде жекелеген нысаналық индикаторларға қол жеткізілмегені анықталды: 2023 жылы  32 көрсеткіштің 4-і (12,5%), 2024 жылы 
8 көрсеткіштің 2-і (25,0%), 2025 жылы 8 көрсеткіштің 1-і (12,5%)%) орындалмаған.

Қаланы дамыту бойынша бекітілген бағдарламалық құжаттың болмауы; аудит объектілерінің лауазымды тұлғаларының сеніп тапсырылған жұмыс учаскелерінде өздерінің функционалдық міндеттерін орындамауы, бюджет қаражатын жоспарлау негізділігінің жеткіліксіздігі, мемлекеттік мүлікті басқаруды бақылаудың нашарлығы, сондай-ақ басқарушылық шешімдердің жеткілікті пысықталмауы  негізгі проблемалар қатарына жатқызылды.

Негізсіз шығындар мен төлемдер, орындалмаған жұмыстар мен қызметтерге ақы төлеу, бухгалтерлік есепті бұзу және есептілікті бұрмалау, сондай-ақ кірістердің бюджетке уақытылы түспеуі негізгі қаржылық бұзушылықтар болып табылады.

Әкімшілік құқық бұзушылық белгілері бар материалдар бойынша ақпарат әкімшілік өндіріс қозғау үшін уәкілетті органдарға берілді.

Сонымен қатар, Тексеру комиссиясы өз бетінше 2 материалды қарап, олар бойынша ҚР ӘҚБтК-нің 234-1-бабына сай айыппұл салды.

Отырыс қорытындысы бойынша аудит объектілеріне бұзушылықтарды жоюға және қаланың тұрақты әлеуметтік-экономикалық дамуын қамтамасыз етуге арналған ұсынымдар беріліп, нұсқамалар шығарылды.