«ҚЫЗЫЛОРДА ОБЛЫСЫНЫҢ ТЕХНИКАЛЫҚ ЖӘНЕ КӘСІПТІК БІЛІМ БЕРУ ҰЙЫМДАРЫНДА МАМАНДАР ДАЯРЛАУҒА БӨЛІНГЕН БЮДЖЕТ ҚАРАЖАТЫН ЖӘНЕ МЕМЛЕКЕТ АКТИВТЕРІН ПАЙДАЛАНУ ТИІМДІЛІГІНЕ ЖҮРГІЗІЛГЕН МЕМЛЕКЕТТІК АУДИТ» ІС ШАРАСЫНЫҢ АУДИТОРЛЫҚ ҚОРЫТЫНДЫСЫН БЕКІТУ ТУРАЛЫ КЕЗЕКТІ ОТЫРЫСЫ ӨТКІЗІЛДІ.

Қызылорда облысы бойынша тексеру комиссиясының кезекті отырысына Қызылорда облыстық мәслихатының депутаты, экономика, әлеуметтік және құқықтық мәселелер жөніндегі тұрақты комиссия төрағасы Шаменова Балжан Мөрәліқызы, Қызылорда облысының білім басқармасы басшысының орынбасарлары Алпысбаев Ернат Ергалиұлы, Ізімбетов Әзизбек Жәнібекұлы, Қызылорда облысының жұмыспен қамтуды үйлестіру және әлеуметтік бағдарламалар басқармасы басшысының орынбасары Даулетбаева Жанар Жумабекқызы, Қызылорда облысының экономика және қаржы басқармасының бөлім басшылары, коледж басшылары мен есепшілері қатысты.

Тексеру комиссиясының мүшесі Н.Қордабай баяндама жасап, Аудит обьектілерінен сыртқы мемлекеттік аудитпен қолданыстағы заңдылық нормаларының сақталмауынан жалпы сомасы 2501442,9 мың теңгенің бұзушылықтары анықталғанын, оның ішінде қаржылық бұзушылықтар 312391,0 мың теңге, тиімсіз жоспарлау мен пайдаланылған бюджет қаражаты мен активтері 2189051,9 мың теңгені құраса, 43 бірлік рәсімдік сипаттағы бұзушылықтар анықталғанын атап өтті.

Отырыс барысында Балжан Мөрәліқызы мемлекеттік аудит нәтижелері бойынша облыстың білім саласына, облыс бюджетінің жоспарлануына, облыстық жұмыспен қамтуды үйлестіруге жауапты тұлғаларға, колледж басшыларына біршама сұрақтар қойды.

Мұса Оспанұлы бюджеттің жоспарлануы мен тиімді пайдалануына аса мән беру қажеттілігін атап өтті.

Мемлекеттік аудит объектілері басшылары Тексеру комиссиясының төрағасы М. Қалдарбековтың, комиссия мүшелері Б.Пшановтың, Е.Абдрахмановтың, С.Қармыстың қойған бірқатар сұрақтарына жауап берді.

Отырыстың қорытындысы бойынша Тексеру комиссиясының қаулысы қабылданып, алдағы уақытта тиісті іс-шараларды атқару үшін Аудиторлық Қорытындымен ұсынымдар мен тапсырмалық бөліктер қамтылған Нұсқамалар орындауға жолданады.