«Батыс Қазақстан инновациялық-технологиялық университеті» жеке меншік жоғары кәсіби білім беру мекемесінде біліктілік талаптарына сәйкестігін тексеру нәтижелері бойынша ақпарат

«Таза парақтан» реттеу жаңа саясатын жүзеге асыру аясында тәуекелдерді бағалау жүйесін автоматтандырудың енгізілуіне орай, «Smart Data Ukimet» ақпараттық жүйесімен 2024 жылы мемлекеттік бақылауға жататын жоғары оқу орындарының тізімі қалыптасты (https://rchl.govtec.kz/ru/plan.).

Комитет тарапынан 2024 жылғы 06 - 14 маусым аралығында Батыс Қазақстан инновациялық-технологиялық университетінің (Орал қ.) біліктілік талаптарына сәйкестігіне тексеру жүргізілді. Нәтижесінде Университеттің білім беру қызметі Қазақстан Республикасы Ғылым және жоғары білім министрінің 2024 жылғы 5 қаңтардағы № 4 бұйрығымен бекітілген Жоғары және (немесе) жоғары оқу орнынан кейінгі білім беру ұйымдарының білім беру қызметіне қойылатын біліктілік талаптарын бұзушылықтармен жүргізіліп жатқаны анықталды. Оның ішінде: білім беру бағдарламаларының Жоғары және жоғары оқу орнынан кейінгі білім берудің мемлекеттік жалпыға міндетті стандартының талаптарына сәйкес келмеуі; бірқатар пәндердің оқыту тіліне қарай оқу, оқу-әдістемелік, ғылыми әдебиеттермен қамтамасыз етілмеуі; білім алушылардың тамақтануына жағдай жасалуына талаптардың сақталмауы және т.б.

Тексеру қорытындысы бойынша анықталған бұзушылықтарды жою туралы Нұсқама беріліп, Қазақстан Республикасы «Әкімшілік құқық бұзушылық туралы» Кодексінің 464-бабының 1-бөлігінде көзделген негіздер бойынша әкімшілік жаза қолдану туралы шешім қабылданды. Лицензияның қолданысын тоқтата тұру мерзімі аяқталғаннан кейін Комитет тарапынан Нұсқаманың орындалуына бақылау жүргізілетін болады.