Жол полициясының ардагерлері жүргізушілерді жолда мұқият болуға шақырды

Астанада ерекше профилактикалық акция өтті: жол полициясының ардагерлері тәртіп сақшыларымен бірге азаматтарға жол жүрісі қағидаларын сақтаудың маңыздылығын еске салды.

 Өмірін қызметке арнаған зейнеткерлер жүргізушілермен және жаяу жүргіншілермен өз тәжірибелерімен, сондай-ақ шынайы оқиғалармен бөлісті. Жол жүрісі қағидаларын сақтамай, көлік тізгінінде салғырттық танытудың неге әкеп соғатынын айтты.

 Мұндай акциялар жол қауіпсіздігінің ортақ мәселе екенін көрсетеді.