В Нур-Султане военнослужащие воинской части 5573 Национальной гвардии стали очевидцами дорожно-транспортного происшествия и первыми поспешили на помощь пострадавшим

Нұр-Сұлтанда Ұлттық ұланның 5573 әскери бөлімінің әскери қызметшілері жол-көлік оқиғасының куәгерлері болып, зардап шеккендерге көмекке бірінші болып асықты.

Оқиға 5 тамызда сағат 22:30 шамасында болған. Елордалық "Сарыарқа" ауданында қоғамдық тәртіпті сақтау қызметін атқару кезінде құрамында патруль бастығы Талғат Қали, патрульдік қатардағы жауынгерлер Нұршат Мәсімжан мен Ербол Қошанов бар әскери жасақ Бейбітшілік пен Жангелдин көшелерінің қиылысындағы жол-көлік оқиғасының куәгерлері болды. Күзетшілер оқиға туралы жедел қызмет қызметкерлеріне дереу хабарлап, апаттан зардап шеккендерге көмек көрсетуге асықты. Солдаттар зардап шеккен Lada Granta автокөлігінің жүргізушісіне жедел жәрдем келгенге дейін қажетті алғашқы медициналық көмек көрсетті. Өз кезегінде астаналық тұрғын Нұрқанат Сапарбеков ЖКО кезінде зардап шеккендердің қасында болған Ұлттық ұланның әскери қызметшілеріне көрсеткен көмегі үшін алғыс айтып, оларға денсаулық пен қызметіне табыс тіледі.

– Біз қалада қоғамдық тәртіп пен қауіпсіздікті қамтамасыз етіп қана қоймаймыз. Біз өрт немесе басқа да төтенше жағдайлар кезінде адамдарға көмек қолын созуға тырысамыз. Бұл жолы жол-көлік оқиғасы болды. Біз апатқа ұшыраған азаматтарға көмектестік. Жас жауынгер курсында бізді алғашқы медициналық көмек көрсету, сондай – ақ шұғыл жағдайларда қалай әрекет ету керектігі үйретті, - деп атап өтті қатардағы жауынгер Талғат Қали.