Көлік полицейлері мемлекетаралық іздеуде жүрген шетелдік азаматты ұстады

Көлік полицейлері мемлекетаралық іздеуде жүрген шетелдік азаматты ұстадыz.

Көліктегі полиция департаментінің экстремизмге қарсы іс-қимыл басқармасының қызметкерлері Тараз станциясындағы желілік полиция бөлімінің қызметкерлерімен бірлесіп, Түркістан облысында "Құқықтық тәртіп" жедел-профилактикалық іс-шарасын өткізу барысында көрші мемлекеттің 42-жастағы азаматын ұстады.

Тексеру барысында ұсталған азаматтың өз елінде аса ауыр қылмыс жасағаны үшін мемлекетаралық іздеуде жүргені анықталды.

Қазіргі уақытта күдікті Шымкент қаласындағы тергеу изоляторына қамауға алынды. Полиция қызметкерлері іздеуді жариялаған тарапқа хабарлады. Қазір экстрадициялау мәселесі қаралуда.