30 қаңтарда бірден бірнеше Көкшетау колледждерінің студенттерін біріктірген ауқымды есірткіге қарсы іс-шара өтті. Форумды ұйымдастырушылар бай және жан-жақты бағдарлама дайындады. Жастар алдында полиция департаменті бастығының орынбасары Данияр Бек, есірткі қылмысына қарсы іс-қимыл басқармасы бастығының міндетін атқарушы Дархан Досанов, ПД есірткі құқық бұзушылықтарының алдын алу кеңесінің мүшелері Александр Высоцкий, Асет Байжолов, Сұлушаш Бекмағанбетова сөз сөйледі.
Форумға қатысушыларды спортпен шұғылдануға киокушинкай – кан каратэден спорт шебері, Қазақстан Республикасының 10 дүркін чемпионы, өзінің жеке үлгісімен салауатты өмір салтын насихаттаушы Азамат Такенов шақырды.
Форумның басты тақырыбы жастарды есірткісіз өмір сүру пайдасына саналы түрде таңдау, есірткіге қарсы тұрақты ұстанымды қалыптастыру және студенттердің құқықтық сауатын арттыру.
Әрбір баяндамада салауатты және қауіпсіз қоғамды қалыптастыруда шешуші рөл атқаратын жас ұрпақ екенін атап өтті. Қатысушылардың назарын бұрын есірткі заттарын пайдаланған адамдардың, сондай-ақ есірткі қылмысы үшін сотталғандардың ашық әңгімелері аударды.
Спикерлер жеке әңгімелерімен бөлісті, тәуелділіктің салдары, жойылған тағдырлар мен тек заң алдында ғана емес, сонымен жақындарының алдындағы жауапкершіліктер туралы айтты. Іс-шараның форматы студенттерге, қонақтарға өздерін қызықтыратын сұрақтар қоюға және кейде қатаң, бірақ шынайы жауаптарды тыңдауға мүмкіндік берді.
Студенттер есірткі тұтынушылардың өмірінің "қараңғы" және ең қауіпті бөлігін көруге және өз қорытындыларын жасауға мүмкіндік алды. Мұндай форумдарды өткізу, есірткі құқық бұзушылықтардың алдын алуға және жастардың бойында тұрақты өмірлік құндылықтарды қалыптастыруға бағытталған профилактикалық жұмыстың маңызды бөлігі.
Алмалы ауданында 27-29 қаңтар аралығында қоғамдық тәртіпті сақтау және көші-қон заңнамасының талаптарын қамтамасыз етуге бағытталған жергілікті жедел-профилактикалық іс-шара өткізілді.
Мұндай аудандық тексерулер жүйелі түрде жүргізіліп, кезең-кезеңімен қаланың барлық ауданын қамтиды. Бұған дейін осындай іс-шаралар мегаполистің өзге де аудандарында, оның ішінде Медеу ауданында ұйымдастырылды.
Алмалы ауданында өткен үш күндік іс-шара барысында полиция қызметкерлері көші-қон заңнамасының 141 бұзушылық дерегін анықтады. Оның ішінде 21 шетел азаматы Қазақстан Республикасының аумағынан шығарылып, тағы 25 адам жеке басын анықтау және әрі қарайғы қарау үшін қабылдау-тарату орнына орналастырылды.
Тексеру нәтижесінде шетел азаматтарының елде болу тәртібін бұзуы, заңсыз еңбек қызметімен айналысуы, сондай-ақ шетелдіктердің елде заңды болуын қамтамасыз етпеген қабылдаушы тараптың жауапкершілігіне қатысты деректер анықталды. Бұдан бөлек, тіркеусіз және құжатсыз тұру жағдайлары тіркелді.
Атап айтқанда, тиісті рұқсат құжаттарынсыз еңбек қызметін жүзеге асырған шетел азаматтарының тобы анықталды. Жеке басы анықталғаннан кейін олар жауапкершілікке тартылып, ел аумағынан шығарылды. Қазіргі уақытта аталған тұлғаларды жұмысқа тартқан жұмыс берушіні жауапкершілікке тарту мәселесі қаралуда. Сонымен қатар іс-шара аясында алименттік міндеттемелерді орындаудан жалтарып жүрген азаматтар да анықталды.
– Аудандық жедел-профилактикалық тексерулер — жоспарлы әрі кезең-кезеңімен жүргізілетін жүйелі жұмыс. Біз қаланың аудандарын біртіндеп қамтып, көші-қон заңнамасының бұзылуын анықтаймыз және шетел азаматтары мен қабылдаушы тараптың әрекеттеріне құқықтық баға береміз. Негізгі мақсат — тәртіп орнату және алдын алу, бұл біржолғы шаралар емес, — деп атап өтті Алматы қаласы полиция департаменті көші-қон қызметі басқармасының бастығы Еркін Амантаев.
Жыл басынан бері облыс бойынша полиция департаментінің жедел басқару орталығының камералары арқылы 2978 құқық бұзушылық анықталды, олардың басым бөлігі – жол қозғалысы ережелерін бұзу. Бейнекамералардың көмегімен 24 қылмыс ашылды.
– Мысалы, Павлодар қаласында Н.Назарбаев даңғылы – Кривенко көшесінің қиылысында Hyundai автокөлігінің жүргізушісі көлік басқару кезінде ұялы телефон пайдаланған. Осындай құқық бұзушылық Сәтбаев – Толстой көшелерінің қиылысында, BMW автокөлігінің жүргізушісіне де қатысты тіркелді. Сондай-ақ Павлов көшесінде тыйым салатын жол белгісінің талаптарын бұзған Нива және Mitsubishi автокөліктерінің жүргізушілері жауапкершілікке тартылды. Мәшһүр Жүсіп көшесінде Газель автокөлігінің жүргізушісі жаяу жүргіншіге жол бермей, оның алдынан өтіп кеткен. Аталған құқық бұзушылықтардың барлығы жедел басқару орталығының камералары арқылы тіркеліп, заң аясында тиісті шаралар қабылданды, – деп мәлімдеді Павлодар облысы полиция департаментінің өкілдері.
Полиция азаматтарды қырағы болуға және жол қозғалысы ережелерін қатаң сақтауға шақырады. "Заң мен тәртіп" қағидаты ішкі істер органдары қызметінің негізгі бағыты болып қала береді және азаматтардың қауіпсіздігін қамтамасыз етуге, қоғамдық тәртіп пен жол қауіпсіздігін сақтауға бағытталған. Жол қозғалысы ережелерін бұзған тұлғалар заңға сәйкес міндетті түрде жауапкершілікке тартылады.
Алматының криминалдық полиция қызметкерлері Әуезов аудандық полиция басқармасындағы әріптестерінің қолдауымен қарақшылық шабуылдың бетін ашты.
Қылмыс қаладағы азық-түлік дүкендерінің бірінде болған. Белгісіз ер адам әйел адамға шабуыл жасап, оған дене жарақатын салып, алтын бұйымын ашық түрде иемденіп, оқиға орнынан бой тасалаған.
Жәбірленушіге дер кезінде медициналық көмек көрсетілді. Аталған дерек бойынша қылмыстық іс қозғалды.
Жедел-іздестіру іс-шараларының кешені барысында күдікті тұлға анықталып, ұсталды. Ұрланған мүлік тәркіленіп, қылмыстық істің материалдарына тіркелді. Күдікті уақытша ұстау изоляторына қамауға алынды. Сотқа дейінгі тергеп-тексеру жалғасып жатыр.
— Криминалдық полиция қызметкерлерінің аумақтық бөлімшемен бірлескен үйлесімді әрі кәсіби әрекеттерінің нәтижесінде күдікті қысқа мерзім ішінде ұсталды. Қылмыстың барлық мән-жайы анықталып, ұрланған мүлік қайтарылды. Қоғамдық қауіпсіздікті қамтамасыз ету және жасалған қылмыстар үшін жазаның бұлтартпастығы қағидатын сақтау бағытындағы жұмыс жалғаса береді, — деп нақтылады Алматы қаласы полиция департаменті криминалдық полиция басқармасының бастығы Асхат Даулетияров.
Ақмола облысында Жақсы ауданының полиция бөлімінің қызметкерлері есірткі заттарын аса ірі мөлшерде заңсыз сақтау фактісінің жолын кесті. Өткізілген іс-шаралар барысында жедел уәкілдер тыйым салынған заттарды сақтауға күдікті Жақсы ауылының 34 жастағы тұрғынын анықтады.
Айыпталушының тұрғылықты жерін тінту кезінде полиция қызметкерлері өсімдік тектес есірткі-марихуананы тауып, тәркіледі. Алынған заттың жалпы салмағы 5,6 килограмды құрады, бұл қолданыстағы заңнамаға сәйкес аса ірі мөлшерге жатады. Аталған факті бойынша сотқа дейінгі тергеп-тексеру басталды. Қазіргі уақытта болған оқиғаның барлық мән-жайларын анықталып жатыр.
Тиісті сараптамалар тағайындалды, есірткінің қайдан алынғаны анықталуда. Полицейлер күдіктінің үйінде есірткінің көп мөлшерін қандай мақсатта сақтағанын анықтап, сондай-ақ ықтимал қабылдау арналарын және қылмысқа қатысы бар адамдар тобын тексереді.
Полицейлер есірткі құралдарының заңсыз айналымы, оның ішінде оларды ірі және аса ірі мөлшерде сақтау қатаң қылмыстық жауаптылыққа әкеп соқтыратынын еске салады. Өңір аумағында есірткі қылмыстарын анықтау және жолын кесу жұмыстары жалғасып жатыр.
Қарағанды қаласында сот сараптамасы саласындағы өзекті мәселелер мен оларды шешу жолдары талқыланған дөңгелек үстел өтті. Басқосуға сот-медициналық сараптама институтының мамандары, тәжірибелі сот сарапшылары, Қарағанды қаласы полиция басқармасының басшылығы, аумақтық полиция бөлімшелерінің қызметкерлері қатысты.
Кездесу барысында сот сараптамасын тағайындау үдерісін жеңілдетуге және жеделдетуге бағытталған "Е-сараптама" ақпараттық жүйесінің мүмкіндіктеріне ерекше назар аударылды. Мамандардың айтуынша, бұл жүйе тергеу барысында құжат айналымын оңтайландырып, барлық қатысушы тараптар үшін ақпараттың ашықтығы мен қолжетімділігін арттыруға мүмкіндік береді.
Сонымен қатар жиында Қазақстан Республикасы Қылмыстық кодексінің 108-1 және 109-1-баптары бойынша қаралатын қылмыстық істерді тергеудің тәжірибелік қырлары талқыланды. Қатысушылар тергеу мен сот процестерінде жиі кездесетін күрделі мәселелерге тоқталып, өз тәжірибелерімен бөлісті.
Дөңгелек үстелде сот сараптамаларын тағайындау және жүргізу барысында туындайтын түйткілді мәселелер де қозғалды. Ашық пікір алмасу аясында полиция органдары мен сот-сараптама мекемелері арасындағы өзара іс-қимылды жетілдіру жолдары ұсынылды.
Іс-шара соңында қатысушылар барлық тараптар одан әрі сындарлы ынтымақтастыққа дайын екендіктерін бірауыздан білдірді. Қатысушылар сот сараптамаларының сапасы мен жеделдігін қамтамасыз етуге деген ұстанымдарын растады, сондай-ақ олардың әділ әрі заңды қылмыстық сот ісін жүргізудегі шешуші рөлін атап өтті.
Ішкі істер министрлігі "Заң мен тәртіп" қағидаты аясында жүйелі жұмысты жалғастыруда.
Жыл басынан бастап Қазақстанда күшті әсер ететін заттардың, оның ішінде тыйым салынған қосылыстардың заңсыз айналымына байланысты құқыққа қарсы әрекеттер үшін қылмыстық жауапкершілік белгіленді.
Олардың қатарында түнгі клубтарда кеңінен таралған, "күлкі газы" деп аталатын белгілі азот тотығы да бар.
Биылғы жылы есірткі қылмысына қарсы іс-қимыл бөлімшелері бірқатар өңірлерде аталған затпен толтырылған металл баллондарды заңсыз тасымалдау және сақтау фактілерін анықтап, жолын кесті.
Атап айтқанда, Шымкент қаласындағы түнгі клубтардың бірінде "смешариктер" деп аталатын күшті әсер ететін өнімді жүйелі түрде сатуға қойылғаны анықталды.
Жүргізілген жедел іс-шаралар барысында 416 баллон сақталған тұтас бір қойма анықталды, олардың жартысы тыйым салынған қосылыспен толтырылған. Тиісті сараптама тағайындалды.
ІІМ азот тотығын медициналық мақсаттан тыс пайдалану қауіпті екенін ескертрді. Бұрын адам өліміне әкеп соққан жағдайлар болған. Күшті әсер ететін заттардың заңсыз айналымы үшін 15 жылға дейін бас бостандығынан айыру жазасы көзделген.
Азаматтардың қауіпсіздігін қамтамасыз етуге және тыйым салынған заттардың жолын кесуге бағытталған іс-шаралар жалғасын табады.
Қоғамдық тәртіп пен тұрғындардың қауіпсіздігін қамтамасыз ету, құқық бұзушылықтардың алдын алу және азаматтардың тыныштығын сақтау мақсатында Абай облысының аумағында 28 қаңтар мен 3 ақпан аралығында "Қауіпсіз аула" жедел-профилактикалық іс-шарасы өткізілуде.
Аталған іс-шара барысында полиция қызметкерлері көпқабатты тұрғын үйлердің аулаларында, қоғамдық орындарда, демалыс аймақтарында және халық көп шоғырланатын жерлерде профилактикалық рейдтер жүргізіп, құқықтық тәртіпті нығайтуға бағытталған кешенді жұмыстар атқарып жатыр.
Жедел-профилактикалық іс-шараның нәтижесінде барлығы 63 құқық бұзушылықтың жолы кесілді. Атап айтқанда, қоғамдық орындарда алкогольдік ішімдіктер ішу немесе мас күйінде жүрудің 47 дерегі, Ұсақ бұзақылықтың 5 фактісі, тиісті тіркеусіз, рұқсатсыз немесе хабарлама бермей кәсіпкерлік және өзге де қызметпен айналысудың – 4 дерегі және Қазақстан Республикасының алкоголь өнімдерін өткізуге қатысты заңнамасының талаптарын бұзудың 6 дерегі тіркелді.
Анықталған құқық бұзушылықтар бойынша заңнамаға сәйкес шаралар қабылданып, құқық бұзушылармен профилактикалық әңгімелер жүргізілді. Сонымен қатар алдын алу мақсатында азаматтармен түсіндіру жұмыстары жүргізіліп, құқықтық мәдениетті арттыруға бағытталған ескертулер берілді.
"Қауіпсіз аула" іс-шарасы тұрғын үйлердің аулаларындағы қауіпсіздікті күшейтуге, жасөспірімдер арасындағы құқық бұзушылықтардың алдын алуға және тұрғындардың полицияға деген сенімін арттыруға бағытталған. Бұл бастама — құқық қорғау органдары мен қоғам арасындағы өзара іс-қимылды нығайтудың маңызды тетігі.
Алматы қаласында полиция қызметкерлері қоғамдық көлікте ұрлық жасады деген күдікпен әйел адамды ұстады.
Тергеу барысында күдіктінің таңертеңгі уақытта автобус ішінде жолаушының сөмкесінен жасырын түрде ұлттық және шетел валютасындағы қаражатты, сондай-ақ алтын бұйымдарды ұрлағаны анықталды. Келтірілген материалдық шығынның жалпы сомасы 4,1 миллион теңгеден асты.
– Жедел тергеу іс-шаралары барысында күдіктінің қылмысқа қатысы бары толық дәлелденді. Тінту кезінде ұрлық фактісін растайтын заттай дәлелдемелер, оның ішінде ұрланған мүліктің бір бөлігі тәркіленді. Сонымен қатар күдіктінің кінәсі қоғамдық көлік салонында орнатылған бейнебақылау камераларының жазбаларымен де дәлелденіп отыр. Аталған дерек бойынша қылмыстық іс қозғалып, күдікті уақытша ұстау изоляторына қамалды. Қазіргі уақытта тергеу амалдары жалғасып жатыр, – деді Алматы қаласы полиция департаменті криминалдық полиция басқармасының бастығы Асхат Дәулетияров.
Полиция азаматтарды жеке қауіпсіздік шараларын сақтауға, қоғамдық көлікте жүргенде жеке мүлкіне аса мұқият болуға шақырады.
Ақтөбеде қылмыстық-атқару жүйесі мекемесіне тыйым салынған заттарды жеткізу әрекетінің жолы кесілді.
Ақтөбе қаласында ҚР ІІМ Ұлттық ұланының "Батыс" өңірлік қолбасшылығына қарасты 6655 әскери бөлімінің әскери қызметшілері Қылмыстық-атқару жүйесі департаментінің қызметкерлерімен бірлесіп, қылмыстық-атқару жүйесі мекемесіне тыйым салынған заттарды жеткізу әрекетінің алдын алды.
Оқиға Ақтөбе облысы бойынша ҚАЖ департаментіне қарасты №8 мекеменің тексеру бөлмесінде болған.
Сәлемдемені рентген қондырғысы арқылы тексеру барысында тыйым салынған заттар анықталды. Бұл бағытта ҚАЖД қызметкерлерімен бірлескен Айзат Құрмашев пен кинолог-маман Азат Ахуновтың қырағылығы, жоғары кәсібилігі және үйлесімді іс-қимылы өз нәтижесін берді.
Тексеру кезінде модем-роутер, портативті акустикалық колонка, үш зарядтау құрылғысы, сондай-ақ флеш-жинақтағыш тәркіленді. Сәлемдемені жолдаған азамат ұсталып, қолданыстағы заңнама талаптарына сәйкес әрі қарай тексеру үшін тиісті органдарға тапсырылды.
Айта кетейік, ҚР ІІМ Ұлттық ұланы ҚАЖД органдарымен бірлесіп, мекемелерге тыйым салынған заттардың жеткізілу арналарының жолын кесу бағытында жүйелі әрі мақсатты жұмыстар жүргізіп келеді.