2022 жылдың 5 және 19 қаңтары күндері аралығында Қазақстанның бүкіл аумағында төтенше жағдай жарияланды.

Осыған орай, Ақпарат және қоғамдық даму министрлігі «Төтенше жағдайлар туралы» Қазақстан Республикасының Заңына сәйкес және азаматтардың қауіпсіздігін қамтамасыз ету мақсатында елімізде бұқаралық іс-шаралардың барығы, соның ішінде, ғибадат ғимараттарында өтетін (мешіт, шіркеу, синагога, құлшылық үйлері т.б.) діни рәсімдер мен жоралардың да уақытша тоқтатылғанын хабарлайды.

Сонымен қатар, 7 қаңтар күні аталып өтетін Православ қауымының діни мейрамы – Рождество кезінде де аталған шектеулерді сақтауға және түсіністікпен қарауға шақырамыз.