«Тұмар-2021» Ұлттық сыйлығының жеңімпаздар жарияланды
Бүгін Нұр-Сұлтанда «Тұмар-2021» Ұлттық телевизиялық сыйлығы иегерлерінің есімдері белгілі болды. Биыл Бәйге бесінші мерейтойын атап өтуде.
Салтантатты рәсімде ҚР Ақпарат және қоғамдық даму министрі Аида Балаева: «Биылғы бәйге Ел тәуелсіздігінің 30 жылдығы аясында өтуде. Өздеріңіз куә, осы 30 жыл ішінде ел дамуымен бірге – Ұлттық БАҚ, соның ішінде телевизия саласы үлкен өзгерістерден өтті. Қарқынды дамып, нәтижелі биіктерді бағындырды.Бұл әрине ең алдымен Тұңғыш Президент, Елбасымыздың ақпарат саласында қалыптастырған оң саясатының нәтижесі. Ел басшылығының ұдайы қолдауының арқасы. Өткен 2020 жыл еліміз үшін үлкен сынақ жылы болды. Әлемдік пандемия басталғанда – тілшілер қауымы, соның ішінде тележурналистер қауіп-қатерге қарамай алғы шептен көрінді. Күн-түн демей жұмыс істеп, халыққа шынайы ақпарат жеткізді».
Қатысушылар тізіміне қазақстандық телеарналарда 2020 жылы жарық көрген телевизялық жобалар енді. Сыйлыққа қатысу үшін редакциялық коллективтер мен тележурналистерден барлығы 250 өтінім келіп түсті. Шорт-параққа 10 номинация бойынша 40 жұмыс енді. Лауреаттар әділқазылар мүшелерінің жабық дауыс беруі арқылы ұсынылған материалдарды кәсіби бағалау нәтижелері бойынша анықталды.
Жеңімпаздар телевизиялық өнер саласындағы ең жоғары жетістіктері үшін «Тұмар» мүсіншесінің және 1 миллион теңге көлеміндегі ақшалай сыйақының иегері атанды.
Іс-шара санитарлық қауіпсіздік нормаларын сақтай отырып, жабық форматта өтті.
«Тұмар-2021» Ұлттық телевизиялық бәйгесінің жеңімпаздары:
Үздік тележурналист
Руслан Идрисов – «Atameken Business» телеарнасы
Үздік тележүргізуші
Камила Жусупова – «КТК» телеарнасы
Үздік режиссерлік жұмыс
«JOL» –«НТК» телеарнасы
Үздік әлеуметтік жоба
«Теледәрігер» – «Qazaqstan» ұлттық арнасы
Үздік ток-шоу
«Aitarym bar» – «Astana TV» телеарнасы
Үздік деректі фильм
«Нығмет Нұрмақов. Төртінші Премьер-Министр» – «Сарыарқа» телеарнасы
Үздік ойын-сауық бағдарламасы
«Жүзден жүйрік» – «Qazaqstan» ұлттық телеарнасы
Үздік телевизиялық сериал
«Абай жолы» – «Хабар» телеарнасы
Үздік ақпаратты бағдарлама
«Аналитика» – «Еуразия» Бірінші арнасы
Үздік аймақтық телеарна
«Ирбис TV» – Павлодар қ.
Пандемия кезінде үздік ақпараттық қолдау жасалғаны үшін арнайы сыйлық «Хабар 24» телеарнасына табысталды.
«Тұмар» Ұлттық телевизиялық бәйгесі 2017 жылы Қазақстан Республикасы Ақпарат және қоғамдық даму министрлігінің бастамасымен құрылған. Сыйлықтың басты мақсаты – сапалы қазақстандық телевияны дамыту және ілгерілету, телевизиялық контент өндірісінде талантты мамандарды қолдау және оның ең мықты өкілдерін мадақтау.