Өткен тәуліктің өзінде республиканың екі тергеу изоляторында ұялы телефондарды влып өтуді жоспарлаған қоғамдық қорғаушылар ұсталды.
Мәселен, 5 ақпанда Астана ТИЗО-сында жедел бөлімнің қызметкерлері фронт-офис кабинетінде жаппай бейнебақылауды пайдалана отырып, қоғамдық қорғаушының ұялы телефонды, 2 жұп құлаққапты, 2 SIM-картаны және қуаттағышты сотталғанға беру фактісін тіркеді.
Сол күні Маңғыстау облысы бойынша ҚАЖД №77 мекемесінің БӨП-те жедел және режим бөлімдерінің қызметкерлері қоғамдық қорғаушыны тексерген кезде аяқ киімнен телефон мен SIM-картаны тапты. Ер адам тергеу-қамауына алынған туысына «тыйым салынған затты» беруді жоспарлаған.
Мобильді құрылғылар мен керек-жарақтар тәркіленді. Қоғамдық қорғаушылар жауапкершілікке тартылды. Сондай-ақ сотталғандарды тәртіптік жауапкершілікке тарту үшін материалдар жасалды.
Қылмыстық-атқару жүйесі мекемелерінде ұсталатын адамдарға тыйым салынған заттарды, бұйымдар мен заттектерді бергені үшін ескерту немесе он АЕК мөлшерінде айыппұл түрінде әкімшілік жауапкершілік көзделгенін атап өткен жөн.
Сонымен қатар, қылмыстық-процестік заңнамаға сәйкес тергеуші «қоғамдық қорғаушы» мәртебесін алу туралы қаулының күшін жоюға құқылы.
2023 жылдың қорытындысы бойынша қоғамдық қорғаушылар тарапынан тыйым салынған заттарды жеткізудің 20-дан астам әрекетінің жолы кесілді.