«Бұл гаджеттерден жақсы»: ҚАЖ қызметкерлері балаларға ерекше сыйлықтар сыйлады. ҚАЖ қызметкерлері Балаларды қорғау күніне орай акция өткізді

Балаларды қорғау күні қарсаңында Қазақстанның қылмыстық-атқару жүйесінің қызметкерлері көру қабілеті бұзылған балаларды қолдауға бағытталған «Әлемді бірге көрейік» атты іс-шара өткізді.
ҚАЖ мекемелерінде 300-ден астам бірегей сыйлықтар дайындалды: Брайльдің тактильді әліпбиі, мамандандырылған шахматтар мен дойбы, грифельдер, ойыншықтар, пижамалар мен тәттілер. Сыйлықтар еліміздің тоғыз өңіріндегі мамандандырылған мектептер мен кітапханаларға жеткізілді, оларға 100-ден астам зағип және нашар көретін балалар ие болды.
- Бұл гаджеттерден әлдеқайда жақсы. Мұндай бұйымдарды дүкеннен сатып ала алмайсың және біздің қамқорлықтағы көптеген балалар үшін олар қол жетімді емес. Бірақ енді осындай сыйлықтардың арқасында біздің балалар дойбы мен шахмат ойнай алады. Брайль әліпбиінің көмегімен оқуға үйренеді. Осындай қажетті сыйлықтар үшін рахмет! - деді Өскемен қаласының зағип және нашар көретін мамандандырылған кітапханасының кітапханашысы Қарақат Әбдірасұлова.
Акция әлеуметтік жауапкершілік пен қамқорлықтың жарқын үлгісіне айналды, ҚАЖ қызметкерлерінің және тағдырға немқұрайлы қарамайтын барлық ерекше балалардың күш-жігерін біріктіретін болады.