Бас прокуратура кезекші прокурорларға арналған тренингтер өткізді

2023 жылғы 21 қыркүйекте Бас прокуратура жанындағы Құқық қорғау органдары академиясының алаңында кезекші прокурор институтының тиімділігін арттыру, практикалық мәселелерді шешу және тәжірибе алмасу мақсатында "Кезекші прокурор институты - қылмыстық процесте азаматтардың конституциялық құқықтарын қорғаудың тиімді құралы" тақырыбында семинар – тренинг басталды.

Іс-шараға Бас Прокурордың бірінші орынбасары Тимур Тәшімбаев пен Құқық қорғау органдары академиясының ректоры Марат Сексембаев, еліміздің барлық өңірлерінен келген прокурорлар, Академияның профессор-оқытушылар құрамы, криминалистер мен сарапшылар қатысты.

Семинар-тренингтің бағдарламасы тергеудің рұқсат етілмеген әдістерінің алдын алудың теориялық және практикалық мәселелерін, шұғыл іс-қимылдарды жүргізу дағдыларын игеруді және әртүрлі ситуациялық жағдайларды талдауды қамтиды.

 

Бас прокуратураның баспасөз қызметі