Жамбыл облысы прокуратурасының шаралары тыңайтқыштар өндірісінің өсуіне ықпал етті

Өндірістік объектілердің тұрақты жұмысы - экономикалық прогрестің және өңірлердегі халықтың өмір сүру сапасын арттырудың негізі болып табылады.

Олардың қызметі салық төлемдерінің тұрақты түсуін қамтамасыз етіп, жұмыс орындарын құруға және ЖІӨ-нің өсуіне ықпал етеді.

Осыған байланысты Бас прокуратураның тапсырмасы бойынша Жамбыл облысының прокуратурасы тоқтап тұрған және өндірістік жүктемесі төмен кәсіпорындардың қызметін қалпына келтіру бойынша жұмыс жүргізуде.

Өңірде орналасқан «Қазфосфат» ЖШС зауыты ТМД және Еуропа елдерінің аумағында құрамында «фосфор» бар тыңайтқыштарды ірі өндірушілердің бірі болып табылады.

Алайда, ағымдағы жылдың басында кәсіпорында өндіріс көлемінің төмендеуі байқалды.

Негізгі себеп - компанияның ресми шетелдік дистрибьюторларын айналып өтіп, зауыт өнімдерін елден тыс жерлерге заңсыз көшіру.

Сондықтан прокуратураның тапсырмасы бойынша өңірде экспорттың заңсыз арналарының жолын кесуге бағытталған жедел-профилактикалық іс-шаралар ұйымдастырылды.

Жағдайды тұрақтандырудың арқасында зауыттан өнімді тікелей сатып алу саны артты.

Бұл «Қазфосфат» ЖШС-ға өндірістік қуаттарды ұлғайтуға және өткен жылдың сәйкес кезеңімен салыстырғанда 40-тан 57 мың тоннаға дейінгі көлемдерді 28%-ға ұлғайтуға мүмкіндік берді.

Қазір басқа да тоқтап қалған және өндірістік жүктемесі төмен кәсіпорындардың проблемалық мәселелері пысықталуда.

Аталған жұмыс импортты алмастыруға, пайдаланылмаған ресурстарды экономикалық айналымға тартуға және отандық өндірістің өсуіне жағдай жасауға бағытталған.

Прокурорлар сатып алудағы шектеулерге, шикізат тапшылығына, өткізу нарықтарының болмауына және басқа да кедергілерге тап болған бизнес пен инвесторлардың құқықтарын қорғауға бағытталған.

 

 

Бас прокуратураның баспасөз қызметі