БҚО-да 103 жүргізуші мас күйінде көлік жүргізгені үшін сотталды

Қазақстан Республикасының заңнамасында көлік құралын мас күйінде басқарғаны үшін әкімшілік жауапкершілікпен қатар қылмыстық жауапкершілік те қарастырылған.

Көлік құралын мас күйінде басқарғаны үшін 20 тәулікке қамауға алу және 7 жылға жүргізуші куәлігінен айыру түріндегі әкімшілік жаза көрсетілген.

Көлік құралдарын басқару құқығынан айырылған және алкогольдік, есірткілік және (уытқұмарлық) масаңдық жағдайында болған адамның көлік құралын басқарғаны үшін, сондай-ақ көлік құралын басқаруды мұндай адамға беру немесе мұндай адамға көлік құралын басқаруға рұқсат беру өмір бойына жүргізуші куәлігінен айыра отырып, 10 жылға дейін бас бостандығынан айырумен қылмыстық жауапкершілікті көздейді.

Оқиғаларды талдау жүргізушілердің заңнан ауытқуы қасақана жасалғанын көрсетеді.

Жүргізіліп жатқан профилактикалық іс-шараларға, ескертулерге қарамастан жүргізушілердің заңсыз әрекеттері тоқтамай отыр.

Ағымдағы жылдың өткен кезеңінде 103 жүргізуші сотталды, олар жүргізуші куәлігінен айыру туралы сот шешіміне қарамастан, мас күйінде қайтадан рөлге отырған.

Мысалы, «И» азаматы мас күйінде көлік жүргізгені үшін алынбаған және өтелмеген соттылығы кезеңінде есірткіні мас күйінде қайта басқарған.

Сот отырысында сотталушы өз кінәсін мойындамай, көлік жүргізбегеніне сендіруге тырысты.

Алайда мемлекеттік айыптаушының принципті ұстанымы және сотқа ұсынған сотталушының кінәсін дәлелдейтін бұлтартпас дәлелдер (фото және бейнетіркеу) айыптау үкімін шығаруға ықпал етті.

Нәтижесінде сот оны кінәлі деп тауып, көлік құралдарын басқару құқығынан өмір бойына айыру және жазасын қылмыстық-атқару жүйесі мекемесінде өтеумен 2 жылға бас бостандығынан айыру туралы үкім шығарды.

Сот үкімі заңды күшіне енген жоқ.        

Мас жүргізуші өзіне ғана емес, айналасындағы адамдарға да қауіпті екенін ескертеміз.