Батыс Қазақстан облысында инвестор мемлекеттен несие ала алмады  

2023 жылдан бастап Батыс Қазақстан облысында инвестор  «Ringo-Milk»" ЖШС 3,9 млрд теңгеге «сүт-тауар фермасы» инвестициялық жобасын іске қосты.

700 басқа арналған сүт-тауар фермасын жоспарлы түрде кеңейту үшін инвесторға мемлекеттік несие қажет болды.

Кредитор алдында мерзімі өткен берешектің болуына байланысты жобаларды іріктеу комиссиясы инвесторды қаржыландырудан бас тартты.

Бұл мәселе Фронт-офис сайтында қаралып, қарыздың техникалық себептерге байланысты туындағаны анықталды. Бұл ретте инвестордың банк шотында уақтылы өтеуге жеткілікті қаражаты болды.   

 Батыс Қазақстан облысы прокуратурасының үйлестіруімен инвесторға 2,5 млрд теңге сомасында мемлекеттік несие беру туралы шешім қабылданды.

Алайда, кейіннен «ӘКК «Aqjaiyq»" АҚ (бұдан әрі - ӘКК) инвесторға несие қаражатын алуға кедергілер жасады, оның бөлінуін жобаларды іріктеу комиссиясы мақұлдады.      

Атап айтқанда, инвестордың шотына ақша аудару үшін ӘКК олармен қызметтерді, тауарларды және жұмыстарды сатып алу бойынша мәмілені бекітуді талап етті.

Бұл процедура заңмен қарастырылмаған, осылайша ӘКК инвестициялық жобаны жүзеге асыруда әкімшілік кедергілер жасаған.

Прокуратураның қадағалау актісі бойынша инвестордың құқықтары қалпына келтіріліп, оған 2,5 млрд теңге көлемінде инвестициялық жобаны жүзеге асыруға қаражат аударылды.

ӘКК басқарма төрағасының орынбасары атынан кінәлі лауазымды тұлға тәртіптік жауапкершілікке тартылды.