Университеттегі онлайн кездесу

Батыс Қазақстан облысының прокуратурасы Инновациялық-технологиялық университеті студенттерімен кездесті.

Кездесу мақсаты – жастар арасындағы құқықбұзушылықтың алдын алу.

Шараға 600-ден астам студент пен қоғам белсенділері қатысты.

Кездесуге Қылмыстық-атқару жүйесі өкілдері мен танымал спортшылар шақырылып,  тәртіптің, білімнің, салауатты өмір салтының және заңға бағынатын мінез-құлықтың маңыздылығын атап өтті.

Түзеу мекемелерінде жазасын өтеушілер де студенттермен теле-көпір арқылы байланысып, жастарды заңды сақтауға, қылмыс жасамауға үгіттеді.  

Прокурорлар бұл кездесудің жастар арасында құқықтық мәдениетті қалыптастырудағы роліне студенттердің назарын аударды.