Мемлекеттік айыптаушылар форумы

Батыс Қазақстан облысының прокуратурасы мемлекеттік айыптаушылар форумын өткізді.

Іс-шараға облыстық соттың төрағасы, полиция департаментінің бастығы, судьялар, адвокаттар, сондай-ақ аудандық прокуратуралардың өкілдері қатысты.

Облыс прокуроры Нұрбек Ұласбекұлы өз сөзінде мемлекеттік айыптаушылардың жұмысын жетілдірудің стратегиялық маңыздылығын, айыптауды қолдау ісінде жүйелі тәсілді және қызметкерлердің кәсіби дағдыларын үнемі арттыру қажеттігін атап өтті.

Форумның құрметті қонағы – Астана қаласы прокуратурасының басқарма басшысы Айжан Аймағанова резонанстық қылмыстық істерге қатысу тәжірибесімен және айыптауды сотта қолдаудың заманауи тәсілдерімен бөлісті.

Сондай-ақ мемлекеттік айыптаушылардың қызметінің негізгі бағыттары, соның ішінде психологиялық тұрақтылық пен тиімді коммуникация мәселелері талқыланды.

Жас мамандардың жұмысын жеңілдету мақсатында Форумда «Мобильді прокурор» қосымшасымен интеграциясы «мемлекеттік айыптаушының жадынамасы» таныстырылды.

Форумның қорытындысында облыс прокуроры жоғары кәсібилік көрсеткен қызметкерлерді марапаттап, олардың мемлекеттік айыптауды қолдау және қылмыстық істерді тергеу саласына қосқан үлесін атап өтті.