Пенитенциарлық жүйедегі коммуналдық-тұрмыстық мәселелер шешілді

 «Заң мен Тәртіп» тұжырымдамасын іске асыру мақсатында облыс прокуроры Нұрбек Ұласбекұлы облыс әкімі Нариман Төреғалиевпен және уәкілетті органдардың басшыларымен бірге Қылмыстық-атқару жүйесі мекемелеріне барды.

Сапардың негізгі мақсаты - нысандардың ағымдағы жағдайын тексеру және проблемалық мәселелерді шешу жолдарын анықтау.

Тексеру барысында облыс әкіміне коммуналдық-тұрмыстық жабдықтардың қанағаттанарлықсыз күйі, трансформаторлық қуаттардың және кәріз жүйелерінің толық тозығы жеткені көрсетілді.

Сондай-ақ, қолданыстағы сотталғандарды үздіксіз бейнемониторингілеу жүйесінің тиімділігі көрсетіліп, аумақты 100 пайыз қамтуға қол жеткізу мақсатында қосымша бейнекамералармен жабдықтаудың қажеттілігі атап өтілді.

Сонымен қатар, мекемелердің күнделікті жұмысында туындайтын басқа да мәселелер егжей-тегжейлі талқыланды.

Сапар қорытындысы бойынша анықталған проблемаларды шешуді және пенитенциарлық объектілердің негізгі қажеттіліктерін жергілікті бюджет есебінен қаржыландыруды көздейтін Жол картасына қол қойылды.

2025-2026 жылдарға жоспарланған іс-шараларды асыру ұстау шарттарын едәуір жақсартуға және қылмыстық-атқару жүйесі мекемелерінің тұрақты жұмыс істеуін қамтамасыз етуге мүмкіндік береді.