БҚО прокуратурасы 624 қызметкердің еңбек құқығын қорғады: ұжымдық шарттардағы бұзушылықтар жойылды

Батыс Қазақстан облысы Сырым ауданы прокуратурасы
талдау жүргізіп, 624 білім беру саласының қызметкерлерінің
еңбек құқықтарын қорғау үшін шаралар қабылдады.
Ұжымдық келісім-шарттарды талдау барысында
әлеуметтік демалыс және басқа да әлеуметтік кепілдіктер
беру шарттары тиісті түрде ескерілмегені анықталды, бұл
еңбек заңнамасын бұзу болып табылады. Аталған заң
бұзушылық жұмысшылардың демалу құқығына шектеу қойып,
еңбек жағдайларының нашарлау қаупін тудырды.
Прокуратура қадағалау актісін тиісті мекеменің
басшысына жолдау арқылы жедел әрекет етті.
Прокуратураның араласуы нәтижесінде ұжымдық
шарттардың талаптары заң талаптарына сәйкес келтірілді, ал
қызметкерлерге барлық тиісті әлеуметтік демалыстар мен
жеңілдіктер қамтамасыз етілді.
Қабылдаған шаралар қызметкерлердің бұзылған
құқықтарын қалпына келтіруге және одан әрі
бұзушылықтардың алдын алуға мүмкіндік берді.
Қадағалау актісін қарау нәтижесі бойынша 11 лауазымды
тұлға тәртіптік жауапкершілікке тартылды.
Прокуратура еңбек заңнамасының сақталуын бақылауды
жалғастырады және қызметкерлердің құқықтарына нұқсан
келтірудің кез келген жаңа жағдайларына жедел ден қоюға
дайын.