Жетісу облысында келтірілген залалды өтеу сотталғандарды қылмыстық жауаптылықтан босатқан жоқ

Жетісу облысының прокуратурасы қылмыстық жауаптылықтың бұлтартпау қағидатының сақталуын қадағалауды қамтамасыз етіп, азаматтардың мүліктік құқықтарын қорғау бойынша шаралар қабылдауда.

Ақсу ауданында бірнеше рет алаяқтық жасағаны үшін кінәлі деп танылған тұлғаларға қатысты сот үкімдері заңды күшіне енді.

Қылмыстық істердің біреуі бойынша сотталған тұлға өзін ұсақ мал сатып алушы ретінде таныстырып, алдау және сенімге қиянат жасау арқылы Ащыбұлақ ауылының бес тұрғынына тиесілі 266 бас қойды иемденгені анықталды. Жәбірленушілерге 13,8 млн теңгеден астам көлемде материалдық залал келтірілген.

Залалдың ішінара өтелгеніне қарамастан, мемлекеттік айыптаушы бұл жағдай бірнеше рет жасалған алаяқтық үшін қоғамнан оқшаулаумен байланысты емес жаза тағайындау үшін негіз болмайтынын атап өтті. Сот сотталушыны кінәлі деп танып, оған 2 жыл 5 ай мерзімге бас бостандығынан айыру жазасын тағайындады.

Залалдың ішінара өтелуіне қарамастан, мемлекеттік прокурор бұл бірнеше рет алаяқтық үшін. Сот сотталушыны кінәлі деп танып, 2 жыл 5 айға бас бостандығынан айыру жазасын тағайындады.

Екінші қылмыстық іс бойынша 2023–2025 ж.ж. аралығында сотталған тұлға құрылыс материалдарын жеткізу, жүргізуші куәлігін рәсімдеу және өзге де жалған уәделер беру сылтауымен алдау арқылы 10 жәбірленушінің 3 млн теңгеден астам қаражатын иемденгені анықталды.

Бірінші сатыдағы сот оған 3 жыл 6 ай мерзімге бас бостандығын шектеу жазасын тағайындаған. Ақсу ауданы прокуратурасының апелляциялық өтініші бойынша сот үкімі өзгертіліп, жаза 3 жыл бас бостандығынан айыру жазасына ауыстырылды.

Апелляциялық саты келтірілген залалдың толық өтелгенін ескерді, алайда бұл жағдай қылмыстық жауаптылықты жоққа шығармайды.

Заңды күшіне енген сот актілері қылмыс салдарынан келтірілген мүліктік зиянның толық немесе ішінара өтелуіне қарамастан, кінәлі тұлғаларды қылмыстық жауаптылықтан босатпайтынын көрсетеді.

Облыс прокуратурасы азаматтарды сақ болуға және күмәнді жолдармен пайда табуды ұсынатын тұлғаларға сенбеуге шақырады. Алаяқтықпен күресу және азаматтардың заңды мүдделерін қорғау прокуратура органдары қызметінің басым бағыттарының бірі болып қала береді.