Мас күйінде көлік жүргізгенді ұнататынға бас бостандығынан айыру және өмір бойына көлік жүргізуге тыйым салу

Автокөлік жоғары қауіп көзі болып табылады, оны мас күйінде басқару жүргізушінің де, оның айналасындағылардың да өмірі мен денсаулығына елеулі қауіп төндіреді.

Мас күйінде көлік жүргізудің алдын алу мақсатында Жетісу облысы Ақсу ауданының прокуратурасы көрсетілім сот процесін ұйымдастырды.

Сотқа жергілікті жүргізушілер, оның ішінде жеке тасымалдаумен айналысатындар шақырылды.

Сот бұған дейін мас күйінде көлік жүргізгені үшін 15 тәулікке қамауға алынып, 7 жылға көлік жүргізу құқығынан айырылған жүргізушіге қатысты қылмыстық істі қарады.

Өзіне тиісті қорытынды жасамай, жүргізуші куәлігінсіз қайтадан мас күйінде көлік жүргізіп, сол арқылы Қылмыстық кодекстің 346-бабының 1-бөлігінде көзделген қылмыстық құқық бұзушылық жасаған.

Сот мас күйінде көлік жүргізген адамды 6 айға бас бостандығынан айыруға және өмір бойына көлік жүргізу құқығынан айыруға үкім шығарды.  

Жүргізушілерге мас күйінде көлік жүргізуге жол берілмейтінін еске саламыз, әркім жолдағы қауіпсіздік үшін өз жауапкершілігін сезінуі керек.