Кәсіпкерлерге негізсіз есептелген салық төлемдері қайтарылды

Жетісу облысы Ескелді ауданының прокуратурасы кәсіпкерлерге жер телімдерін пайдаланғаны үшін артық мөлшерде салық төлемдері есептелгенін анықтады.

Мемлекеттік кірістер органы Салық кодексінің 505-бабын бір шаршы метрге 0,48 теңге базалық мөлшерлемемен қолданудың орнына мәслихаттың 0,81 теңге ставкасымен күші жойылған шешімін басшылыққа алған.

Қадағалау актісі бойынша кінәлілер тәртіптік жауапкершілікке тартылып, 91 кәсіпкерге 5 млн теңгеден астам сома ақшалай қаражаты қайтарылды.

Кәсіпкерлердің құқықтарын қорғау Жетісу облысы прокуратурасының ерекше бақылауында.