Жамбыл облысында прокуратура қызметкерлерімен сенбілік ұйымдастырылды

«Заң мен Тәртіп» принципін ілгерілету және «Таза Қазақстан» концепциясын жүзеге асыру аясында облыс прокуратурасының қызметкерлері қоршаған ортаны қорғау бойынша сенбілік өткізді.

Іс-шараға облыс прокуроры Берік Әбілов және құрылымдық бөлімшелердің қызметкерлері қатысты.

Сенбіліктің негізгі мақсаты – жасыл желектерді көбейту – шырша көшеттерін отырғызу болды.

Бұл акция прокуратура ұжымының қоршаған ортаны қорғау және экологиялық тепе-теңдікті сақтау ісіндегі үлесі болып табылады.

Іс-шара барысында ұжымдық өзара әрекеттестік нығайтылып, қызметкерлер қоғамның экологиялық игілігіне өз үлестерін қосты.

 

Жамбыл облысының прокуратурасы