ШҚО прокуратурасы дәрілік заттарды заңсыз өткізгені үшін жауаптылық туралы ескертеді

Денсаулық сақтау саласындағы заңдылықты қамтамасыз ету мәселелері облыс прокуратура органдарының ерекше бақылауында.

Дәрілік заттардың айналымы кезіндегі құқық бұзушылықтардың алдын алу және жолын кесу жұмыстары құқық қорғау және уәкілетті органдармен өзара іс-қимылда жүзеге асырылады.

Облыс прокуратурасының үйлестіруімен 2025–2026 жылдар аралығында прекурсорлардың заңсыз айналымы фактілері бойынша   3 қылмыстық іс қозғалып, 21 әкімшілік хаттама толтырылды, салынған айыппұлдардың жалпы сомасы 4 млн теңгеден асты.

Өскемен қаласында «Wildberries» маркетплейсі арқылы арықтауға арналған дәрі ниетімен күшті әсер ететін заттарды заңсыз сату ісі тергелуде.

Зайсан ауданында медициналық ұйым қызметкерлерінің пациенттерге құрамында есірткі бар рецепттік препараттарды өткізу фактісі анықталды.

Облыс прокуратурасы дәрі-дәрмектерді бақылаусыз қабылдау мен өз бетінше емделу азаматтардың өмірі мен денсаулығына тікелей қауіп төндіретінін ескертеді және медицина қызметкерлерін дәрі-дәрмектерді босату ережелерін қатаң сақтауға, ал ата-аналарды дәрігердің тағайындауынсыз препараттарды сатып алудан бас тартуға шақырады.

 

Шығыс Қазақстан облысының прокуратурасы